अमेरिकेचे राष्ट्राध्यक्ष डोनाल्ड ट्रम्प यांनी अनेक वेळा दावा केला आहे की, त्यांनी सात युद्धे थांबवली आहेत आणि त्यासाठी त्यांना नोबेल शांतता पुरस्कार मिळाला पाहिजे. एकूणच त्यांच्या विधानांवरून असे चित्रित होते की, ते नोबेल पुरस्कारासाठी उत्सुक आहेत. अशातच नोबेल समितीच्या बाजूने त्यांची भूमिका स्पष्ट करण्यात आली आहे. त्यांनी म्हटले आहे की, समितीवर कोणताही परिणाम झालेला नाही.
नोबेल समितीचे म्हणणे आहे की आमच्यावर कोणताही दबाव नाही. आम्ही पूर्ण स्वायत्तता आणि स्वातंत्र्याने निर्णय घेतो. जानेवारीमध्ये अमेरिकेची सत्ता हाती घेतलेल्या डोनाल्ड ट्रम्प यांनी अनेक वेळा म्हटले आहे की ते नोबेल शांतता पुरस्कारासाठी पात्र आहेत. त्यांनी बराक ओबामा यांचाही उल्लेख केला आहे की त्यांना हा सन्मान खूप लवकर मिळाला. शिवाय ट्रम्प यांनी दावा केला आहे की, त्यांनी सहा ते सात युद्धे थांबवली आहेत आणि यासाठी ते नोबेल शांतता पुरस्कारासाठी पात्र आहेत. तसेच ते म्हणतात की रशिया आणि युक्रेन, इस्रायल आणि हमास यांच्यामधील युद्ध थांबवण्यास देखील तयार आहे.
नोबेल समितीचे सचिव ख्रिश्चन बर्ग हार्पविकेन म्हणाले, एका विशिष्ट उमेदवाराबद्दल माध्यमांमध्ये बरीच चर्चा होत आहे हे खरे आहे. परंतु हे देखील खरे आहे की याचा आमच्या निर्णयावर परिणाम होत नाही. आम्ही आमच्या मानकांनुसार निर्णय घेतो. यामध्ये कोणताही बाह्य घटक काम करत नाही आणि कोणत्याही प्रकारचा दबावही नाही.
या वर्षीच्या नोबेल पुरस्कारांची घोषणा १० ऑक्टोबर रोजी होणार आहे. डोनाल्ड ट्रम्प म्हणतात की त्यांच्या नावाची शिफारस बेंजामिन नेतान्याहू आणि अझरबैजानचे इल्हम अलीयेव यांनीही केली आहे. याशिवाय पाकिस्तानचे फील्ड मार्शल असीम मुनीर यांनीही डोनाल्ड ट्रम्प यांना नोबेल पुरस्कार मिळायला हवा असे म्हटले आहे.
दिल्लीत चार बांगलादेशी घुसखोर ताब्यात!
केरळमध्ये अजगराची शिकार करून मांस शिजवणाऱ्या दोघांना अटक!
डोनाल्ड ट्रम्प यांना यंदा हा पुरस्कार मिळण्याची शक्यता खूपच कमी आहे. नोबेल पुरस्कारासाठी नामांकनाची शेवटची तारीख ३१ जानेवारी होती. डोनाल्ड ट्रम्प यांनी त्याआधी अवघ्या ११ दिवस आधी पदभार स्वीकारला होता. अशा परिस्थितीत, जर डोनाल्ड ट्रम्प यांचे नाव विचारात घेतले तर ते पुढील वर्षी होईल असे मानले जाते. यावेळी त्यांचे नाव जाहीर होण्याची शक्यता नाही.
