राज्यात महायुतीची घोडदौड सुरूच असून मविआचा सुपडासाफ होत असल्याचे चित्र आहे. महायुती २२० तर मविआ केवळ ५२ जागांवर विजयी होणार असल्याचे दिसत आहे. यावरून भाजपाचे जेष्ठ नेते नारायण राणे यांनी मविआच्या नेत्यांवर जोरदार टीका केली आहे.
नितेश राणे आणि निलेश राणे यांना समन्वय साधून यांनी तिकिटे दिल्याबद्दल पंतप्रधान नरेंद्र मोदी, केंद्रीय गृहमंत्री अमित शाह, मुख्यमंत्री शिंदे आणि उपमुख्यमंत्री फडणवीस यांचे नारायण राणे यांनी आभार मानले. मविआवर टीका करताना नारायण राणे म्हणाले, उद्धव ठाकरे हे २० जागांवर सुद्धा विजयी मिळवू शकत नाहीत, हे पहिल्यापासूनच बोलत होतो. १९ वर ते आता आहेत.
ठाकरेंवर टीका करताना नारायण राणे म्हणाले, उद्धव ठाकरेंनी महाराष्ट्राला तोंड दाखवू नये, संजय राऊत यांना तर आणूच नये. आता यांचे तोंड काळे झाले आहेत. मविआच्या नेत्यांना आता त्यांची लायकी समजलेली आहे, असे राणे म्हणाले.
हे ही वाचा :
“एकनाथ शिंदे, देवेंद्र फडणवीस, अजित पवारांवर जनतेचा विश्वास बसलाय”
राज्यात महायुतीला लँडस्लाईड व्हिक्टरी!
राऊतांची रडारड; म्हणे निकालाचा कौल जनतेचा नसून लावून घेतलेला
राज्यात आता ‘अल्लाह हु अकबर’ नाहीतर ‘जय श्री राम’चा नारा!
