बिहारचे माजी मुख्यमंत्री लालू यादव यांचे मोठे पुत्र तेज प्रताप यादव यांनी होळीच्या निमित्ताने एका पोलिसाला धमकावले आणि नाचण्यास भाग पाडले. या घटनेचा एक व्हिडिओही समोर आला आहे, ज्यामध्ये तेज प्रताप यादव स्टेजवर बसून खाली बसलेल्या लोकांना माइक घेऊन सूचना देताना दिसत आहेत. याच दरम्यान, तो एका पोलिसाला ‘नाचायला’ सांगतो. यासोबतच, जर पोलिसाने त्याचे पालन केले नाही तर त्यांना निलंबित करण्याची धमकीही देतो.
तेज प्रताप यादव यांच्या पाटण्यातील घरी आयोजित करण्यात आलेल्या कार्यक्रमातील ही घटना आहे. या घटनेचा व्हिडीओ व्हायरल झाल्यानंतर बिहारमधील राजकारण तापले आहे. या व्हिडिओवर जेडीयूचे राष्ट्रीय प्रवक्ते राजीव रंजन म्हणाले की, “जंगलराजचा काळ संपला आहे, पण लालूजींच्या पहिल्या राजकुमारांच्या कृती पहा. तो एका पोलिसाला नाचण्याचा आदेश देत आहे आणि जर त्याने आज्ञा पाळली नाही तर कारवाईची धमकी देत आहे. लालू कुटुंबाला हे समजून घ्यावे लागेल की बिहार आता बदलला आहे. बदलत्या बिहारमध्ये अशा कृतींना स्थान नाही.”
हे ही वाचा :
विराट कोहली आरसीबी संघात सामील
मजल्यावर मजले, तारीख पे तारीख, मुक्काम पोस्ट डोंगरी…
वेंकटेश अय्यरला येतेय २३.७५ कोटी रुपयांचा दबाव
बलुचिस्तान लिबरेशन आर्मीचा पाकिस्तानी सैन्यावर पुन्हा हल्ला; अनेक जवान मारल्याचा दावा!
तेज प्रताप यादवचा हा व्हिडिओ समोर आल्यानंतर भाजपाने प्रतिक्रिया दिली आणि जोरदार टीका केली. भारतीय जनता पक्षाचे प्रवक्ते शहजाद पूनावाला म्हणाले, “जसा बाप तसा मुलगा. पूर्वी तत्कालीन मुख्यमंत्री म्हणून वडील कायद्याला आपल्या इशाऱ्यावर नाचवायचे आणि बिहारला जंगलराज बनवायचे.
आता मुलगा सत्तेबाहेर असूनही धमक्या आणि दबावाद्वारे कायदा आणि कायद्याचे रक्षण करणाऱ्यांना आपल्या इशाऱ्यावर नाचवण्याचा प्रयत्न करत आहे. जर पोलीस कर्मचारी नाचला नाहीतर त्याला निलंबित करण्याची धमकीही देत आहे. यावरून दिसून येते की आरजेडी जंगलराजवर विश्वास ठेवते. जर ते चुकूनही सत्तेत आले तर ते कायदा मोडतील आणि कायद्याचे रक्षण करणाऱ्यांना ते नाचवतील. हा एक ट्रेलर आहे. म्हणून, त्यांना सत्तेपासून दूर ठेवणे महत्त्वाचे आहे, ” असे शहजाद पूनावाला म्हणाले.
