भाजप नेते मुख्तार अब्बास नकवी यांनी ‘इंडिया’ आघाडीने बिहारमध्ये पुकारलेल्या बंदची तीव्र शब्दांत टीका केली. राहुल गांधी आणि तेजस्वी यादव यांच्यावर निशाणा साधताना त्यांनी म्हटलं की, मतदार यादीत छेडछाड आणि गुन्हेगारी यासारख्या मुद्द्यांच्या नावाखाली विरोधक जनतेला भरकटवण्याचा प्रयत्न करत आहेत. नकवी यांनी याला विरोधकांची नकारात्मक राजकारणाची शैली ठरवत म्हटलं की, अशा प्रकारचे बंद आणि चक्काजाम शेवटी विरोधकांचंच “बंटाधार” करतील.
नकवी म्हणाले की, “जनतेने एनडीए आणि पंतप्रधान नरेंद्र मोदींच्या नेतृत्वावर विश्वास दाखवला आहे, पण विरोधकांना ते पचत नाहीये. बिहार बंद हा निव्वळ निवडणूकपूर्व गोंधळ आहे, त्याला कुठलाही आधार नाही.” काँग्रेस आणि राजदचा आघाडी मतदारांना घाबरवून मतदान प्रक्रियेतून परावृत्त करण्याचा प्रयत्न करत आहे, असंही त्यांनी नमूद केलं. नकवी यांनी यावर भर दिला की, निवडणूक आयोग पूर्णपणे निष्पक्षपणे मतदार यादीची तपासणी करत आहे. पण विरोधक यालाच मुद्दा बनवून दिशाभूल करत आहेत. सुप्रीम कोर्टात या मुद्द्यावर सुनावणी होणार आहे आणि आयोगाने २४ तासांत ४७ टक्के मतदार यादीमध्ये दुरुस्ती केली आहे. मतदार निर्भय आणि गोंधळमुक्त वातावरणात मतदान करू शकतील, यासाठी सर्व पक्ष आणि आयोग जबाबदार आहेत.
हेही वाचा..
अमरनाथ यात्रा : सीआरपीएफ महानिदेशकांनी केली सुरक्षेची पाहणी
…हे वर्तन अशोभनीय! सत्तेचा गैरवापर आमदार करतात असा संदेश जातो!
नामीबियात पंतप्रधान मोदी यांचे भव्य स्वागत
राजस्थानमध्ये भारतीय हवाई दलाचे जॅग्वार लढाऊ विमान कोसळले!
बिहारमधील नीतीश सरकारच्या अलीकडील निर्णयाचं कौतुक करताना नकवी म्हणाले की, महिलांना सरकारी नोकऱ्यांमध्ये ३५ टक्के आरक्षण देण्याचा निर्णय ऐतिहासिक आहे. एनडीए सरकार हे महिलांसह दलित, मागासवर्ग आणि दुर्बल घटकांच्या विकासासाठी कटिबद्ध आहे. हे आरक्षण बिहारमधील मूळ रहिवासी महिलांना थेट भरतीत संधी देणार असून ते सुशासनाचं प्रतीक आहे.
महाराष्ट्रात सुरु असलेल्या भाषावादावर बोलताना नकवी म्हणाले, “मराठी भाषेला गौरवशाली इतिहास आहे आणि संपूर्ण देश त्याचा सन्मान करतो. हिंदी ही नेहमीच इतर भाषांना प्रोत्साहन देणारी राहिली आहे, त्यांची स्पर्धक नाही. अशा प्रकारचे वाद निरर्थक असून समाजात अशांतता पसरवणारे आहेत.” कानपूरमध्ये फलक फाडण्याच्या घटनेचा उल्लेख करत नकवी म्हणाले की, “अशा प्रकारच्या कृती अयोग्य आहेत.”
