अमेरिकेवर कोणाची नजर ?

अमेरिका हा जगातील सर्वात संपन्न आणि स्वच्छंद विचारांचा देश मानला जातो. चार्ली किर्क यांच्या हत्येने जुन्या जखमा पुन्हा कुरवाळल्या आहेत. गेल्या एका वर्षात अमेरिका पाच वेळा अशा हाय-प्रोफाईल हत्या किंवा हत्या करण्याच्या प्रयत्नांचा साक्षीदार ठरला आहे. या यादीत डोनाल्ड ट्रंप, मिनेसोटाच्या माजी हाऊस स्पीकर आणि निक फ्यूएंट्स यांची नावे आहेत. १३ जुलै २०२४ रोजी डोनाल्ड ट्रंप पेनसिल्वेनियाच्या बटलर येथे सभा घेत होते. राष्ट्राध्यक्षपदाचे उमेदवार म्हणून ते जनतेला संबोधित करत होते. त्याच वेळी २० वर्षीय थॉमस मॅथ्यू क्रुक्सने अनेक गोळ्या झाडल्या. सुदैवाने ट्रंप वाचले. गोळी त्यांच्या कानाला झटकून गेली. या हल्ल्यात सभेत उपस्थित असलेल्या एका व्यक्तीचा मृत्यू झाला तर अनेक जण जखमी झाले. प्रत्युत्तरात झालेल्या गोळीबारात हल्लेखोर ठार झाला.

या हल्ल्याच्या दोन महिन्यांनी म्हणजेच १५ सप्टेंबरला ट्रंप कथितरीत्या दुसऱ्या हत्या प्रयत्नातून वाचले. फ्लोरिडाच्या वेस्ट पाम बीचमधील राष्ट्राध्यक्षांच्या गोल्फ क्लबबाहेर एक जड शस्त्रांनी सज्ज युक्रेन समर्थक शूटर आढळला. संशयित रायन राऊथला सीक्रेट सर्व्हिसने अटक केली. १८ डिसेंबर २०२४ रोजी उजव्या विचारसरणीचा निक फ्यूएंट्सने सांगितले की तो लाईव्ह-स्ट्रीम करत असताना, एक व्यक्ती पिस्तूल, क्रॉसबो आणि ज्वलनशील उपकरणे घेऊन त्याच्या इलिनॉय येथील बेर्विनमधील घरावर आला. कसाबसा तो वाचला. चौकशीत उघड झाले की हा व्यक्ती तिहेरी हत्येचा संशयित होता. फ्यूएंट्सशी चकमकीनंतर पोलीसांनी त्याला ठार केले.

हेही वाचा..

अमेरिकेतील तरुण नेते कर्क यांच्या हत्येनंतर क्रिकेटपटू डुप्लेसिसची टीका

गुजरातचे राज्यपाल आचार्य देवव्रत यांच्याकडे महाराष्ट्राची अतिरिक्त जबाबदारी

विरोधक आत्तापासूनच हरायची कारणे शोधताहेत

नौदलासाठी तयार झाला भारताचा पहिला नेव्हल 3D एअर सर्व्हेलन्स रडार

१४ जून २०२५ रोजी मिनेसोटाच्या डेमोक्रॅटिक नेत्या आणि माजी स्पीकर मेलिसा हॉर्टमन आणि त्यांच्या पतीची त्यांच्या घरी गोळ्या घालून हत्या करण्यात आली. त्याच रात्री राज्याचे सिनेटर जॉन हॉफमन आणि त्यांची पत्नी हल्ल्यात जखमी झाले. या प्रकरणात ५७ वर्षीय वेंस ल्यूथर बोल्टरला अटक करण्यात आली. ३१ वर्षीय चार्ली किर्क यांची १० सप्टेंबर २०२५ रोजी (अमेरिकेच्या वेळेनुसार) उटा येथे हत्या झाली. डोनाल्ड ट्रंपचे दीर्घकाळ समर्थक असलेले चार्ली किर्क युटा व्हॅली विद्यापीठात भाषण देत होते. या उजव्या विचारसरणीच्या कार्यकर्त्याच्या मानेवर गोळी लागली. क्षणभर तर कुणाला काय झाले ते समजलेच नाही. त्यांना तातडीने रुग्णालयात नेण्यात आले, पण तेथे त्यांचा मृत्यू झाला.