राज्याचे मुख्यमंत्री देवेंद्र फडणवीस यांनी काँग्रेस नेते दिग्विजय सिंह यांनी २६/११ च्या मुंबई दहशतवादी हल्ल्याबद्दल केलेल्या भूतकाळातील वक्तव्याचा निषेध केला. तसेच मुंबई हल्ल्यात राष्ट्रीय स्वयंसेवक संघाचा (आरएसएस) सहभाग असल्याचा आरोप फेटाळून लावत टीका केली. २००८ मधील प्राणघातक हल्ला पाकिस्तानमधून घडवून आणल्याचे पुरावे असल्याचेही त्यांनी सांगितले.
मुख्यमंत्री देवेंद्र फडणवीस यांनी शुक्रवारी काँग्रेस नेते दिग्विजय सिंह यांनी २६/११ च्या मुंबई दहशतवादी हल्ल्यांबद्दल केलेल्या भूतकाळातील वक्तव्याचा तीव्र निषेध केला. यावेळी देवेंद्र फडणवीस म्हणाले की, “मी मुर्खांसारखे बोलणाऱ्यांना उत्तर देत नाही. जेव्हा कसाबला फाशी देण्यात आली आणि त्यानंतर, जेव्हा डेव्हिड हेडलीचा जबाब आपल्या न्यायव्यवस्थेत नोंदवण्यात आला, तेव्हा हे स्पष्ट झाले की हे संपूर्ण कट पाकिस्तानमध्ये रचण्यात आला होता. जे लोक इतर कट रचण्याचे सिद्धांत (२६/११ हल्ल्यात आरएसएसचा सहभाग) पसरवतात, त्यांना मी उत्तर देऊ इच्छित नाही. आता मुख्य कट रचणारा ताब्यात आहे आणि आता आणखी गोष्टी उघडकीस येतील,” असा विश्वास व्यक्त करत देवेंद्र फडणवीस यांनी दिग्विजय सिंह यांच्यावर निशाणा साधला.
डिसेंबर २०१० मध्ये, दिग्विजय सिंह यांनी असा दावा करून मोठा वाद निर्माण केला की, महाराष्ट्र दहशतवाद विरोधी पथकाचे (एटीएस) प्रमुख हेमंत करकरे यांनी २६/११ हल्ला सुरू होण्याच्या काही तास आधी त्यांच्याशी बोलले होते. मालेगाव बॉम्बस्फोट प्रकरणात हिंदू दहशतवाद्यांना अटक केल्यानंतर करकरे यांना अज्ञात फोनवरून जीवे मारण्याच्या धमक्या येत असल्याचा आरोप सिंह यांनी वारंवार केला. सिंह यांनी पुढे असा दावा केला होता की करकरे यांना राष्ट्रीय स्वयंसेवक संघाच्या नेत्यांनी लक्ष्य केले होते आणि त्यांच्या मृत्यूसाठी संघाला जबाबदार धरले होते. २००८ च्या हल्ल्यात करकरे मारले गेले.
हे ही वाचा :
जम्मू- काश्मीरमधील किश्तवाडमध्ये दोन पाकिस्तानी दहशतवाद्यांचा खात्मा
जम्मूच्या अखनूर सेक्टरमध्ये घुसखोरीचा प्रयत्न हाणून पाडला; एक जवान हुतात्मा
भाजपा-अण्णाद्रमुक आगामी विधानसभा निवडणुकीत एकत्र!
चिदंबरम यांनीच नष्ट केला होता, २६/११ प्रकरणातील एक महत्वाचा दुवा
दरम्यान, २६/११ हल्ल्याचा कट रचणारा तहव्वूर राणा याचे भारतात प्रत्यार्पण करण्यात आले आहे. राष्ट्रीय तपास संस्थेने (एनआयए) त्याला अटक केली असून सध्या तो १८ दिवसांच्या कोठडीत आहे. माहितीनुसार, राणाने देशाच्या इतर भागातही असेच हल्ले करण्याची योजना आखली होती. यानंतर चौकशीतून अधिक खुलासे होण्याची शक्यता आहे.
