मध्य प्रदेशातील रतलाम येथे मोहरमच्या मिरवणुकीदरम्यान काही मुस्लिमांनी ‘हिंदू राष्ट्र’ लिहिलेला बॅनर जाळला. ताजिया मिरवणुकीत स्टंट करणाऱ्या मुस्लिम तरुणांनी हा झेंडा जाळला. यानंतर हिंदू संघटनांनी आरोपींवर कारवाईची मागणी केली. या प्रकरणी कारवाई करत पोलिसांनी चार मुस्लिमांना ताब्यात घेत त्यांची परेड काढली.
‘हिंदू राष्ट्र’ लिहिलेला बॅनर जाळतानाचा व्हीडीओ सोशल मिडियावर व्हायरल झाल्यानंतर संताप व्यक्त केला जात होता. हे सर्व जाणूनबुजून केल्याचे व्हीडीओ मधून दिसत होते, पण पोलिस तसा तपास करत आहेत. घटनेची माहिती मिळताच हिंदू संघटनांचे कार्यकर्ते आणि स्थानिक लोक मोठ्या संख्येने सैलाना पोलीस ठाण्यात पोहोचले. लोकांनी पोलीस ठाण्याला घेराव घातला आणि आरोपींना अटक करण्याची मागणी करत रस्त्यावर धरणे सुरू केले. संतप्त लोकांनी घटनास्थळी बसून सामूहिकपणे हनुमान चालीसाही वाचली. यानंतर सैलाना बाजारपेठ पूर्णपणे बंद ठेवण्यात आली.
वाद वाढत असल्याचे पाहून पोलिसांनी तात्काळ कारवाई केली आणि चार आरोपींना अटक केली. या आरोपींना प्रथम वैद्यकीय तपासणीसाठी पायी रुग्णालयात नेण्यात आले परंतु हिंदू संघटनांनी त्यांची मिरवणूक संपूर्ण सैलानामध्ये काढण्याची मागणी केली जेणेकरून लोक त्यांची ओळख पटवू शकतील. सुरक्षेच्या कारणास्तव, पोलिसांनी आरोपींना थोड्या अंतरावर नेले आणि नंतर वैद्यकीय तपासणी केल्यानंतर त्यांना न्यायालयात हजर केले. यावरही वाद झाला परंतु वरिष्ठ पोलिस अधिकाऱ्यांच्या समजूतदारपणानंतर प्रकरण मिटवण्यात आले.
हे ही वाचा :
दिल्ली: कावड यात्रेदरम्यान मांस दुकाने राहतील बंद!
गोपाळ खेमका हत्या प्रकरण: आरोपी चकमकीत ठार!
भाषेच्या वादावरून मीरा भाईंदरमध्ये गोंधळ, मनसे कार्यकर्ते ताब्यात!
जागतिक बाजारातून मिश्र संकेत, आशियातही मिश्र व्यापार
पोलिसांनी आरोपींविरुद्ध भारतीय दंड संहितेच्या विविध कलमांखाली धार्मिक भावना भडकवल्या आणि जातीय तणाव पसरवल्याबद्दल गुन्हा दाखल केला आहे. त्याच वेळी, आंदोलकांनी आरोपींवर राष्ट्रीय सुरक्षा कायदा (NSA) लागू करण्याची, त्यांच्या घरावर बुलडोझर चालवण्याची आणि सार्वजनिक मिरवणूक काढण्याची मागणी केली. दरम्यान, सध्या सैलाना आणि आसपासच्या परिसरात पोलिस बंदोबस्त तैनात आहे. परिस्थिती नियंत्रणात आहे पण खबरदारी घेतली जात आहे.
मोहर्रम जुलूस के दौरान हिंदू राष्ट्र बैनर जलाने पर बवाल, 4 आरोपी गिरफ्तार, हिंदू संगठनों ने किया जमकर विरोध#Ratlam #Muharram #ViralVideo @MPPoliceDeptt https://t.co/Y7zPimKO27
— IBC24 News (@IBC24News) July 7, 2025
