कॅनडामध्ये विमानांची टक्कर, भारतीय विद्यार्थ्यासह दोघांचा मृत्यू!

कोट्टायम येथील न्यूज पोर्टल ओमनोरमा नुसार, सुकेश हा कोचीमधील थ्रिप्पुनिथुरा येथील स्टॅच्यू न्यू रोडचा रहिवासी आहे. ही दुर्दैवी घटना नियमित उड्डाण प्रशिक्षणादरम्यान घडली. “मॅनिटोबाच्या स्टीनबाखजवळ झालेल्या विमान अपघातात मृत्युमुखी पडलेल्या तरुण भारतीय विद्यार्थी पायलट श्रीहरी सुकेश यांच्या दुःखद निधनाबद्दल आम्ही अत्यंत दुःखी आहोत. आम्ही त्यांच्या कुटुंबाप्रती आमच्या मनापासून संवेदना व्यक्त करतो,” असे भारतीय वाणिज्य दूतावासाने एक्सवर एका पोस्टमध्ये म्हटले. “दुकानून दूतावास शोकग्रस्त कुटुंब, पायलट प्रशिक्षण शाळा आणि स्थानिक पोलिसांच्या संपर्कात आहे जेणेकरून त्यांना आवश्यक ती सर्व मदत मिळेल,” असे वाणिज्य दूतावासाच्या पोस्टमध्ये म्हटले आहे.

मंगळवारी (८ जुलै) सकाळी घडलेल्या घटनेबद्दल बोलताना, ‘हार्वच्या एअर पायलट ट्रेनिंग स्कूल’चे अध्यक्ष अॅडम पेनर म्हणाले की, दोघेही लहान सेस्ना (Cessna १५२ व Cessna १७२ ) विमानांमध्ये टेक-ऑफ आणि लँडिंगचा सराव करत होते, असे सीबीएस न्यूजने वृत्त दिले आहे. सीबीएस न्यूजच्या वृत्तानुसार, पेनर पुढे म्हणाले की त्यांनी एकाच वेळी उतरण्याचा प्रयत्न केला आणि एकत्र येऊन धडकले. त्यांनी असेही सांगितले की विमानांमध्ये रेडिओ आहेत, परंतु असे दिसते की दोन्ही वैमानिकांनी एकमेकांना पाहिले नाही.

हे ही वाचा :