पाकिस्तानात पावसामुळे ६० जणांचा मृत्यू

पाकिस्तानमध्ये मुसळधार मान्सून पावसाचे थैमान सुरूच आहे. संपूर्ण देशभरात आतापर्यंत १२४ जणांचा मृत्यू झाला असून शेकडो जण जखमी झाले आहेत. बुधवारी पावसाशी संबंधित घटनांमध्ये किमान ६० जणांचा बळी गेला, अशी माहिती पाकिस्तानच्या नॅशनल डिजास्टर मॅनेजमेंट अथॉरिटी (NDMA) ने दिली आहे. नडीएमएच्या माहितीनुसार, गेल्या तीन आठवड्यांत मुसळधार पावसामुळे आणि त्यासंबंधित घटनांमुळे पाकिस्तानभर १२४ लोकांचा मृत्यू झाला असून २६४ जण जखमी झाले आहेत.

पंजाब प्रांतात बुधवारी छत कोसळणे आणि विजेचा धक्का लागणे यासारख्या घटनांमुळे ४४ जणांचा मृत्यू झाला, तर बलुचिस्तानमध्ये अशाच प्रकारच्या आपत्तींमध्ये १६ लोकांचा मृत्यू झाला. स्थानिक मीडियाच्या माहितीनुसार, पावसाचा कहर गुरुवार उशिरापर्यंत सुरू राहण्याची शक्यता वर्तवण्यात आली आहे. द एक्सप्रेस ट्रिब्यून’ च्या अहवालानुसार, पंजाबमधील लाहोर, ओकारा, फैसलाबाद आणि इतर आसपासच्या जिल्ह्यांत सर्वाधिक मृत्यू झाले. याचे मुख्य कारण इमारती कोसळणे आणि विजेचा शॉक लागणे हे होते.

हेही वाचा..

ईडीकडून रॉबर्ट वाड्रासह ११ जणांविरोधात आरोपपत्र

कर्नाटकमधील गडग जिल्ह्यात ‘लव्ह जिहाद’, पण हिंदू युवकावरच धर्मांतरणाची सक्ती

काँग्रेसच्या काळात राजस्थान पेपरफुटीने होता त्रस्त

बिहारमध्ये १२५ युनिटपर्यंत वीज मोफत

लाहोरमध्ये पावसामुळे तीन छतं कोसळली, ज्यात १६ लोकांचा मृत्यू झाला आणि ६ जण जखमी झाले. फैसलाबादमध्ये छत कोसळण्याच्या २३ वेगवेगळ्या घटनांमध्ये किमान ७ जणांचा मृत्यू झाला, तर ३६ लोक जखमी झाले. यामध्ये ४५ वर्षांची एक महिला आणि तिचा १४ वर्षीय मुलगा मलब्यात अडकले होते. ओकारामध्ये किमान ७ जणांचा मृत्यू झाला असून त्यात ५ लहान मुलांचा समावेश आहे. या मृत्यूंच्या घटनांमध्ये इमारती कोसळणे, विजेचा धक्का लागणे आणि पाण्यात बुडणे यांचा समावेश आहे.

पंजाब प्रांतीय आपत्ती व्यवस्थापन प्राधिकरण (PDMA) च्या माहितीनुसार, अनेक जिल्ह्यांमध्ये अतिवृष्टी झाली. यामध्ये शेखपुरा – २१७ मिमी, ओकारा – १७० मिमी, चिचावतनी – १३० मिमी, हाफिजाबाद – ९० मिमी, कसूर – ८५ मिमी, तसेच फैसलाबाद (६० मिमी), मंडी बहाउद्दीन (३२ मिमी), झेलम (२९ मिमी) इत्यादी ठिकाणीही चांगला पाऊस झाला आहे. लाहोर, गुजरांवाला, फैसलाबाद, साहीवाल, सरगोधा, मुल्तान, डेरा गाझी खान आणि बहावलपूर विभागांमध्ये आगामी काळात आणखी मुसळधार पावसाचा अंदाज आहे.

दरम्यान, पंजाबमधील प्रमुख शहरांमध्ये पूरपरिस्थितीची शक्यता वर्तवली जात आहे. मंगला, मराला आणि कादिराबाद परिसरात झेलम आणि चिनाब नद्या मध्यम ते वेगाने वाहण्याची शक्यता आहे. पुढील २४ ते ३६ तासांत उत्तरेकडील भागांमध्ये जोरदार पावसामुळे परिस्थिती आणखी गंभीर होण्याची भीती आहे. प्रांतीय प्रशासनाने सर्व कमिश्नर आणि डिप्टी कमिश्नरना सतर्कतेवर ठेवले आहे. राहत आयुक्त नबील जावेद यांनी अधिकाऱ्यांना आदेश दिले आहेत की, ते क्षेत्रीय पातळीवर सक्रिय राहावेत, आपत्कालीन पथके सज्ज ठेवावीत आणि इंधन व इतर आवश्यक सामग्रीची व्यवस्था करावी. एनडीएमएने नद्यांच्या काठावर राहणाऱ्या नागरिकांना आणि त्यांच्या पशुधनाला सुरक्षित स्थळी स्थलांतर करण्याचा सल्ला दिला आहे. पूरनियंत्रण शिबिरे उभारण्यात आली असून, तिथे आवश्यक तातडीच्या सुविधा उपलब्ध करून देण्यात आल्या आहेत.