केरळमध्ये महिनाभराच्या अडचणीनंतर ब्रिटिश एफ-३५ लढाऊ विमान अखेर मायदेशी परतले!

केरळमधील तिरुअनंतपुरम आंतरराष्ट्रीय विमानतळावर तांत्रिक बिघाडामुळे महिनाभराहून अधिक काळ अडकून पडलेले ब्रिटिश एफ-३५ लढाऊ विमान अखेर दुरुस्त होवून मायदेशी परतले आहे. ब्रिटिश उच्चायोगाच्या प्रवक्त्याने याबाबत माहिती देत भारताचे आभार मानले आहेत.

ब्रिटिश उच्चायोगाच्या प्रवक्त्याने सांगितले की, “१४ जून रोजी आपत्कालीन वळवण्यात आल्यानंतर लँडिंग केलेले ब्रिटिश एफ-३५बी विमान आज तिरुअनंतपुरम आंतरराष्ट्रीय विमानतळावरून रवाना झाले. ६ जुलैपासून तैनात असलेल्या ब्रिटिश अभियांत्रिकी पथकाने दुरुस्ती आणि सुरक्षा तपासणी पूर्ण केली, ज्यामुळे विमान पुन्हा सक्रिय सेवा सुरू करू शकले. दुरुस्ती आणि पुनर्प्राप्ती प्रक्रियेदरम्यान भारतीय अधिकाऱ्यांच्या आणि विमानतळ पथकांच्या पाठिंब्याबद्दल आणि सहकार्याबद्दल ब्रिटन खूप आभारी आहे. भारतासोबतची आमची संरक्षण भागीदारी मजबूत करण्यास आम्ही उत्सुक आहोत.”

ब्रिटनचे भारताचे संरक्षण सल्लागार कमोडोर ख्रिस सॉन्डर्स यांच्या अधिकृत अकाउंट ‘यूके डिफेन्स इन इंडिया’ ने देखील एक्स वर एक अपडेट पोस्ट केली की, “दुरुस्ती आणि सुरक्षा तपासणी पूर्ण झाल्यानंतर, ब्रिटिश एफ-३५बी विमान आज तिरुवनंतपुरम आंतरराष्ट्रीय विमानतळावरून रवाना झाले आणि पुन्हा सक्रिय सेवा सुरू केली. भारतीय अधिकाऱ्यांकडून मिळालेल्या सर्व सहकार्याबद्दल आम्ही आभारी आहोत.”

हे ही वाचा : 

मुख्यमंत्री देवेंद्र फडणवीसांच्या वाढदिवसानिमित्त कांदिवली पूर्व येथे रक्तदान शिबीर

व्हेंचर कॅपिटल गुंतवणूक ३.५ अब्ज डॉलर्सपर्यंत

८० टनाचं शिखर, पायाभरणीशिवाय हजार वर्षांहून अधिक जुने शिवमंदिर

चारधाम यात्रेत भाविकांनी रचला इतिहास

सुरुवातीला खराब हवामान आणि कमी इंधनामुळे आपत्कालीन लँडिंग करण्यात आलेले हे लढाऊ विमान नंतर त्याच्या हायड्रॉलिक सिस्टीममध्ये बिघाड असल्याचे आढळून आले. १४ जून रोजी या विमानाचे आपत्कालीन लँडिंग करण्यात आले.  तेव्हापासून ब्रिटिश अभियंते लँडिंग गियर, ब्रेक आणि नियंत्रण पृष्ठभाग यासारख्या प्रमुख घटकांवर परिणाम करणाऱ्या बिघाडाचे निराकरण करण्याचे काम करत आहेत.

आज अखेर लढाऊ विमान दुरुस्त झाल्यानंतर ते आपल्या मायदेशी परतले आहे.  दरम्यान, अमेरिकन कंपनी लॉकहीड मार्टिनने बनवलेले एफ-३५बी हे जगातील सर्वात प्रगत आणि महागड्या लढाऊ विमानांपैकी एक आहे, ज्याची किंमत प्रत्येकी ११५ दशलक्ष अमेरिकन डॉलर्सपेक्षा जास्त आहे.