पंतप्रधान नरेंद्र मोदी यांनी रविवारी तामिळनाडूच्या तिरुचिरापल्ली जिल्ह्यात रोड शो केला. त्यांच्या आगमनासाठी जमलेल्या नागरिकांनी त्यांच्या ताफ्याचे जल्लोषात स्वागत केले. तामिळनाडूतील अरियालूर येथे असलेल्या गंगईकोंडा चोलपुरम मंदिरात पंतप्रधान मोदी यांच्या भेटीपूर्वी पोलीस प्रशासनाने सुरक्षा आणि अन्य तयारी पूर्ण केली होती.
पंतप्रधान मोदी यांनी गंगईकोंडा चोलपुरम मंदिरात आदि तिरुवथिराई महोत्सव आणि महान चोल सम्राट राजेंद्र चोल पहिला यांच्या जयंती उत्सवात भाग घेतला. यावेळी त्यांनी मंदिरात पूजा-अर्चा केली.
तामिळनाडूच्या दोन दिवसीय दौऱ्याच्या अखेरच्या दिवशी, पंतप्रधान मोदी राजेंद्र चोल पहिल्यांच्या दक्षिण-पूर्व आशियातील सागरी मोहिमेच्या 1000 वर्षांनंतरच्या स्मरणोत्सवात सहभागी झाले आणि गंगईकोंडा चोलपुरम मंदिराच्या निर्माणाचा प्रारंभ केला. रस्त्याच्या दुतर्फा भाजप आणि अण्णा द्रमुकचे झेंडे लावण्यात आले होते. रस्त्यांवर सम्राट राजेंद्र चोल यांच्या प्रतिमा आणि मोदींच्या स्वागताचे बॅनर व फ्लेक्स बोर्ड्स दिसत होते.
गंगईकोंडा चोलपुरम मंदिरात आयोजित सार्वजनिक कार्यक्रमात, पंतप्रधान मोदी राजेंद्र चोल पहिल्या यांच्या सन्मानार्थ एक स्मारक नाणे जारी करणार आहेत. याआधी शनिवारी, त्यांनी तामिळनाडूमध्ये 4800 कोटी रुपयांहून अधिक किमतीच्या विकास प्रकल्पांचे उद्घाटन, शिलान्यास आणि राष्ट्रार्पण केले.
हे ही वाचा:
तुमचं प्रेम माझी सर्वात मोठी ताकद आहे
खुर्चीसाठी गोंधळ, कार्यकर्ते आपसात भिडले
अमेरिकेत टळला मोठा विमान अपघात
या प्रकल्पांमुळे संपूर्ण तामिळनाडूमधील नागरिकांचा जीवनमान उंचावेल, आणि अनेक क्षेत्रांतील पायाभूत सुविधांना बळकटी मिळेल. कारगिल विजय दिवसानिमित्त, मोदींनी कारगिलमधील वीर सैनिकांना अभिवादन केले आणि राष्ट्रासाठी सर्वोच्च बलिदान दिलेल्या शहीदांना श्रद्धांजली अर्पण केली.
भारतीय इतिहासात राजेंद्र चोल पहिला (1014-1044 ई.) हे सर्वात शक्तिशाली व दूरदृष्टी असलेल्या सम्राटांपैकी एक मानले जातात. त्यांच्या नेतृत्वाखाली चोल साम्राज्याने दक्षिण आणि दक्षिण-पूर्व आशियात प्रभाव प्रस्थापित केला. आपल्या विजयी मोहिमेनंतर त्यांनी गंगईकोंडा चोलपुरम या ठिकाणी राजधानी स्थापन केली आणि तेथील मंदिर शैव भक्ती, भव्य वास्तुकला आणि प्रशासकीय कौशल्याचे प्रतीक बनले.
आज हे मंदिर UNESCO जागतिक वारसा स्थळ म्हणून मान्यता प्राप्त आहे. हे मंदिर त्याच्या सुंदर मूर्तिकलेसाठी, चोल कांस्य मूर्ती आणि प्राचीन शिलालेखांसाठी प्रसिद्ध आहे. आदि तिरुवथिराई महोत्सव हे समृद्ध तमिळ शैव परंपरेचे उत्सव आहे, ज्याला चोल राजांनी मोठ्या उत्साहाने समर्थन दिले. तमिळ शैव धर्मातील 63 संत-कवींनी या परंपरेला अजरामर केले आहे.
