“२५०० पानांची चार्जशीट… यूट्यूबर ज्योती मल्होत्रा अडचणीत!”

हरियाणा पोलिसांच्या विशेष तपास पथकाने (SIT) यूट्यूबर ज्योती मल्होत्रा विरोधात तब्बल २,५०० पानांची चार्जशीट हिसार येथील न्यायालयात दाखल केली आहे.

ज्योतीवर पाकिस्तानासाठी गुप्तहेरगिरी केल्याचा गंभीर आरोप आहे. चार्जशीटमध्ये तिच्याविरोधात पक्के पुरावे असल्याचा दावा पोलिसांनी केला आहे.

🔹 १६ मे रोजी अटक – जासूसीच्या संशयावरून पोलिसांनी ज्योतीला अटक केली होती. पोलिसांच्या माहितीनुसार, ती बराच काळ पाकिस्तानी एजंटांना संवेदनशील माहिती पुरवत होती आणि त्यांच्याशी संपर्कात होती.

🔹 प्रथम यूट्यूबर… मग एजंटांशी संपर्क – सुरुवातीला ती सामान्य यूट्यूबर म्हणून ब्लॉग आणि व्हिडिओ करत होती. मात्र पाकिस्तान दौऱ्यावर गेल्यानंतर तिची भेट तिथल्या गुप्तचर एजंटांशी झाली. तिच्या फोनमध्ये पाक उच्चायोगातील अधिकारी एहसान-उर-रहीम दानिश अली यांच्यासोबतच्या संभाषणाचे पुरावे मिळाले आहेत. तसेच ISI एजंट शाकिर, हसन अली आणि नासिर ढिल्लन यांच्याशीही तिचे संबंध असल्याचा उल्लेख चार्जशीटमध्ये आहे.

🔹 वकिलांचा दावा – ज्योतीचे वकील कुमार मुकेश यांनी सांगितले की, चार्जशीट अभ्यासल्यानंतर ते कायदेशीर पावले उचलतील. पुढील सुनावणी १८ ऑगस्ट रोजी होणार आहे.

🔹 भारत सरकारची कारवाई – दानिशला भारत सरकारने १३ मे रोजी अवांछित व्यक्ती घोषित करून देशातून हाकलले होते. चौकशीत समोर आले की, ज्योतीचा एका पाकिस्तानी एजंटशी खासगी संबंध होता आणि ती त्याच्यासोबत इंडोनेशियातील बाली येथेही गेली होती.

तिच्यावर Official Secrets Act च्या कलम ३ व ५ तसेच भारतीय न्याय संहिता (BNS) कलम १५२ अंतर्गत गुन्हा दाखल करण्यात आला आहे. हे प्रकरण हिसारच्या सिव्हिल लाईन्स पोलीस ठाण्यात नोंदवण्यात आले.