भारतीय सशत्र दल: अदम्य धैर्य, शौर्य आणि अढळ दृढनिश्चय…

लष्कर दिनानिमित्त, भारतीय लष्कराने गुरुवार, १५ जानेवारी रोजी गेल्या वर्षी मे महिन्यात पाकिस्तानविरुद्ध केलेल्या ऑपरेशन सिंदूरशी संबंधित एक नवीन व्हिडिओ जारी केला आहे. त्यात पाकिस्तानमधील दहशतवादी अड्डे, हवाई तळ आणि रडार सिस्टीमवर केलेल्या अचूक हल्ल्यांचे चित्रण आहे. ही कारवाई मे २०२५ मध्ये करण्यात आली होती. जवळजवळ तीन मिनिटांच्या या व्हिडिओची सुरुवात भारतातील प्रमुख दहशतवादी हल्ल्यांची कहाणी सांगून होते, ज्यात २००१ मध्ये संसदेवर हल्ला, २००२ मध्ये अक्षरधाम हल्ला, २००८ मध्ये मुंबईवर हल्ला, २०१६ मध्ये उरीवर हल्ला, २०१९ मध्ये पुलवामावर हल्ला आणि २०२५ मध्ये पहलगामवर दहशतवादी हल्ला यांचा समावेश आहे.

भारतीय सैन्याने या सर्व घटनांचे “मानवतेवरील हल्ला” असे वर्णन केले आहे. या व्हिडिओमध्ये असे दिसून आले आहे की, ७ मे २०२५ च्या रात्री भारतीय सशस्त्र दलांनी सीमेपलीकडे असलेल्या नऊ दहशतवादी अड्ड्यांवर एकाच वेळी आणि अचूक हल्ले केले. हे हल्ले ऑपरेशन सिंदूर अंतर्गत करण्यात आले. व्हिडिओएक्सवर व्हिडिओ पोस्ट करताना, लष्कराने लिहिले की, “ऑपरेशन सिंदूर दरम्यान, भारतीय सशस्त्र दलांनी अदम्य धैर्य, शौर्य आणि अटल दृढनिश्चयाने इतिहास रचला. जयपूर येथील आर्मी डे परेडमध्ये दाखवण्यात आलेल्या या लघुपटाद्वारे शौर्याची ही प्रेरणादायी गाथा पहा.”

पाकिस्तानचे नाव न घेता या व्हिडिओमध्ये जम्मू आणि काश्मीरच्या सीमावर्ती भागात पाकिस्तानकडून मोठ्या प्रमाणात गोळीबार होत असल्याचे दिसून आले आहे. प्रत्युत्तरादाखल, भारतीय सैन्याने पाकिस्तानी ड्रोन पाडले, सीमेजवळील लष्करी प्रतिष्ठानांना लक्ष्य केले आणि नंतर पाकिस्तानी हवाई संरक्षण रडार आणि हवाई तळ नष्ट केले.

हे ही वाचा:

मुंबईच्या मतदारांसाठी मराठी अस्मितेपेक्षा नागरी प्रश्न महत्त्वाचे

जॉर्जियाहून दिल्लीला जाणारे इंडिगोचे विमान इराणच्या हवाई हद्दीतून बाहेर पडले आणि…

एअर इंडिया अपघात: दिवंगत पायलट कॅप्टनच्या पुतण्याला चौकशीसाठी समन्स

योगाची आसनं – शरीर आणि मनासाठी वरदान

या व्हिडिओद्वारे, भारतीय सैन्याने पाकिस्तानला एक कडक संदेश देण्याचा प्रयत्न केला आहे. व्हिडिओचा शेवट एका स्पष्ट विधानाने होतो, “आपल्या शत्रूना इशारा. भ्याडपणाची किंमत मोजावी लागेल.” हा व्हिडिओ केवळ लष्करी पराक्रमाचे प्रदर्शन करत नाही तर दहशतवादाच्या तोंडावर भारत आता शांत बसणार नाही असा स्पष्ट संदेश देखील देतो.