27 C
Mumbai
Friday, November 20, 2026
घरराजकारणतामिळनाडूत ‘विजय’ची चाहूल?

तामिळनाडूत ‘विजय’ची चाहूल?

संभाव्य पक्षांतर रोखण्यासाठी टीव्हीकेकडून ‘रिसॉर्ट पॉलिटिक्स’ची चिन्हे

Google News Follow

अभिनेते- राजकारणी विजय यांच्या ‘तामिळगा वेत्री कळघम’ (TVK) पक्षाचे पदार्पण तामिळनाडूच्या राजकारणात दमदार होणार असल्याचे चित्र समोर येत आहे. अशातच फोडाफोडीचे राजकारण आणि संभाव्य पक्षांतर रोखण्यासाठी पक्ष नेतृत्वाने तातडीने पावले उचलली आहेत. दरम्यान, तामिळनाडूमध्ये ‘रिसॉर्ट पॉलिटिक्स’ची चिन्हे दिसू लागली आहेत. माहितीनुसार, निकाल जाहीर होताच सर्व विजयी टीव्हीके उमेदवारांना पक्षाच्या पनयूर येथील मुख्यालयात तात्काळ हजर राहण्याचे निर्देश देण्यात आले आहेत.

द्रविड मुन्नेत्र कळघम (डीएमके) आणि ऑल इंडिया अण्णा द्रविड मुन्नेत्र कळघम (एआयएडीएमके) यांचे वर्चस्व असलेल्या तामिळनाडूच्या पारंपरिक द्विपक्षीय व्यवस्थेत मोठा बदल होण्याची शक्यता निर्माण झाली आहे. ५० वर्षांहून अधिक काळ द्रविड राजकारणाचा बालेकिल्ला राहिलेल्या आणि द्रमुक व एआयएडीएमके या दोन पक्षांचे वर्चस्व असलेल्या तामिळनाडूमध्ये मोठे बदल होण्याची शक्यता आहे. राज्यात मुख्यमंत्री एम. के. स्टॅलिन यांच्या नेतृत्वाखालील सत्ताधारी द्रमुक, भाजपसोबत युती असलेला त्यांचा मुख्य प्रतिस्पर्धी एआयएडीएमके आणि नवोदित – अभिनेते-राजकारणी विजय यांचा तामिळगा वेत्री कळघम (टीव्हीके) यांच्यात तीव्र तिरंगी लढत होत आहे. सुरुवातीच्या कलांमध्ये टीव्हीके ९९ जागांवर आघाडीवर आहे.

बहुतांश एक्झिट पोल्सनी डीएमकेच्या सलग दुसऱ्या विजयाचा अंदाज वर्तवला असला तरी, ‘ॲक्सिस माय इंडिया’ने यावेळी राज्यात ‘विजय इफेक्ट’ची मोठी लाट येण्याची शक्यता वर्तवली होती. तसेच, राज्यातील २३४ जागांपैकी सुमारे १०० जागा जिंकून टीव्हीके किंगमेकर ठरू शकते, असा अंदाजही वर्तवला आहे. जिथे बहुमताचा आकडा ११८ आहे.

हे ही वाचा:

ट्रम्प यांच्या ‘प्रोजेक्ट फ्रीडम’मुळे भारतीय बाजारात तेजी

होर्मुझमधील जहाजांना सुरक्षितपणे एस्कॉर्ट करण्यासाठी ट्रम्प यांचा “प्रोजेक्ट फ्रीडम”

आयटी ट्रिब्युनल उभारण्याच्या निर्णयाचा काय होईल परिणाम?

३५ वर्षांनंतर कुवैतचा मोठा निर्णय; एप्रिलमध्ये कच्च्या तेलाची निर्यात शून्य

टीव्हीकेच्या मागे विशेषतः तरुण मतदार, शहरी मतदारसंघ आणि मागास वर्ग, अतिमागास वर्ग व अनुसूचित जातींमधील घटक उभे राहिल्याचे दिसून आले. पक्षाचा “बदल” हा मुद्दा पहिल्यांदा मतदान करणाऱ्या मतदारांना आणि बेरोजगारांना भावलेला दिसतो. या पार्श्वभूमीवर, टीव्हीकेने आपले आमदार एकत्र करण्याचे उचललेले पाऊल हे आगामी मोठ्या लढतीचे संकेत देत आहे, ज्यात निकालानंतरच्या राजकीय गणितामध्ये प्रत्येक जागेला महत्त्व असण्याची शक्यता आहे.

National Stock Exchange
spot_img

प्रतिक्रिया द्या

कृपया आपली टिप्पणी द्या!
कृपया येथे आपले नाव प्रविष्ट करा

The reCAPTCHA verification period has expired. Please reload the page.

आम्हाला follow करा

113,459चाहतेआवड दर्शवा
2,036अनुयायीअनुकरण करा
342,000सदस्य यादीसदस्य व्हा

इतर नवीनतम कथा