अल-कायदाने ९/११ चा संदर्भ देत ओमानच्या सह-वैमानिकाची पाठ थोपटली

अल-कायदाची येमेनी शाखा (AQAP) चे अनधिकृत मुखपत्र असलेल्या अल-बयानने, फ्लायदुबई विमान अपहरण करण्याच्या अयशस्वी प्रयत्नावर एक संपादकीय प्रकाशित केले. या लेखाचे शीर्षक आहे “११ सप्टेंबर ते ३० सप्टेंबर दरम्यान” (Between September 11 and September 30). वृत्तपत्राने या प्रयत्नाची थेट जबाबदारी स्वीकारली नाही, परंतु ओमानच्या सह-वैमानिकाच्या कथित प्रयत्नाला पाठिंबा दर्शवला. या लेखात ९/११ च्या हल्ल्यातील विमान आणि फ्लायदुबई विमानाची छायाचित्रे शेजारी छापण्यात आली होती.

फ्लायदुबई फ्लाइट १०७३ चे वर्णन “ज्यू-यूएई विमान” असे केले आणि दावा केला की हे विमान सौदी अरेबियामध्ये उतरले होते. अल-बयानच्या मते, जर अपहरणाचा प्रयत्न यशस्वी झाला असता, तर त्यामुळे त्या प्रदेशातील सत्तेचे संतुलन बदलले असते. संपादकात असेही म्हटले आहे की, गैर-मुस्लिम देखील अमेरिका आणि इस्रायलला लक्ष्य करू शकतात आणि असे हल्ले मुस्लिमांसाठी फायदेशीर असल्याचे भासवले जात आहे. सुरक्षा यंत्रणांच्या मते, अल-कायदाने (AQAP) थेट जबाबदारी स्वीकारण्यापासून स्वतःला दूर ठेवले आहे आणि केवळ वैचारिक पाठिंबा दिला आहे.

हे ही वाचा:

‘मला नमाज पठण करायचंय…’
₹८० हजार कोटींच्या पाणबुडी प्रकल्पाला वेग

शिवाजी पार्कमध्ये दिल्या फक्त शिव्या |

माछरने मारली पाचर !

ओमानचा सह-वैमानिक हमाम अल-हमामी कोण आहे?

परदेशी माध्यमांच्या वृत्तानुसार, या ओमानच्या सह-वैमानिकाचे नाव हमाम अल-हमामी असून तो २९ वर्षांचा आहे. अल-हमामीचा जन्म संयुक्त अरब अमिरातीमध्ये (UAE) झाला असून त्याचे वडील ओमानचे आणि आई सीरियन आहे. त्याने यूकेमधील बकिंगहॅमशायर न्यू युनिव्हर्सिटीमध्ये एव्हिएशन मॅनेजमेंटचे शिक्षण घेतले. वृत्तानुसार, त्याने ओमान एअर आणि रॉयल एअर मारोकसाठीही काम केले आहे. मात्र, त्याच्या कट्टर विचारांमुळे आणि सुरक्षेच्या चिंतेमुळे त्याला ओमान एअरच्या प्रशिक्षणातून काढून टाकण्यात आले होते. त्यानंतर तो सुमारे आठ महिन्यांपूर्वी फ्लायदुबईमध्ये रुजू झाला.