दिवाळीपूर्वीच दिल्ली प्रदूषणाच्या विळख्यात

दिवाळीचा सण जवळ येत असतानाच देशाची राजधानी दिल्लीतील हवेची गुणवत्ता खालावली आहे. वाढत्या प्रदूषणामुळे दिल्लीकरांचा श्वास कोंडू लागला असून, मंगळवारी (३ नोव्हेंबर) सकाळी दिल्लीचा सरासरी हवा गुणवत्ता निर्देशांक (AQI) ३३१ वर पोहोचला. त्यामुळे दिल्लीतील हवेची गुणवत्ता ‘अत्यंत खराब’ श्रेणीत नोंदवण्यात आली. विशेष म्हणजे, शहरातील आठ ठिकाणी एक्यूआय ४०० च्या पुढे गेल्याने या भागांतील प्रदूषणाची पातळी ‘गंभीर’ श्रेणीत पोहोचली आहे.

केंद्रीय प्रदूषण नियंत्रण मंडळाच्या (CPCB) आकडेवारीनुसार, दिल्लीतील ५८ निरीक्षण केंद्रांपैकी ३३ केंद्रांवर हवेची गुणवत्ता अत्यंत खराब, तर १७ केंद्रांवर खराब श्रेणीत होती. बवाना, पंजाबी बाग, रोहिणी, विवेक विहार, नरेला, जहांगीरपुरी, अलीपूर आणि दिल्ली टेक्नॉलॉजिकल युनिव्हर्सिटी परिसरात एक्यूआय ४०० पार गेला. सोनिया विहारमध्ये ३९३, पुसा येथे ३९०, उत्तर कॅम्पसमध्ये ३८६, तर बुराडी क्रॉसिंगमध्ये ३८२ एक्यूआय नोंदवण्यात आला. दिल्लीच्या आसपासच्या शहरांमध्येही प्रदूषणाची स्थिती चिंताजनक आहे. नोएडामध्ये एक्यूआय ३०७, गुरुग्राममध्ये २८४, तर गाझियाबादमध्ये २५९ नोंदवण्यात आला.

हे ही वाचा:

अमेरिकेचा इराणच्या केशम बेटावर हल्ला

रक्ताच्या शेवटच्या थेंबापर्यंत ‘रिजिम चेंज’ होऊ देणार नाही!

रेवंत रेड्डी, तुम्ही तेलंगणाला काँग्रेस नेत्यांचे एटीएम बनवले!

भारतीय नागरिक असल्यासारखे वागू नका!

वाढत्या प्रदूषणाच्या पार्श्वभूमीवर वायु गुणवत्ता व्यवस्थापन आयोगाने (CAQM) दिल्ली-एनसीआरमध्ये ग्रेडेड रिस्पॉन्स अॅक्शन प्लॅनचा (GRAP) दुसरा टप्पा लागू केला आहे. याअंतर्गत रस्त्यांची यांत्रिक पद्धतीने स्वच्छता, पाण्याची फवारणी आणि अँटी स्मॉग गनचा वापर वाढवण्यात येणार आहे. खासगी वाहनांचा वापर कमी करण्यासाठी पार्किंग शुल्कात वाढ, तसेच दिल्ली मेट्रोच्या अतिरिक्त फेऱ्यांचे नियोजन करण्यात आले आहे.