33 C
Mumbai
Wednesday, November 18, 2026
घरबिजनेसजेन्सेन हुआंगच्या एनव्हिडियात परतण्याच्या अपेक्षांवर पाणी

जेन्सेन हुआंगच्या एनव्हिडियात परतण्याच्या अपेक्षांवर पाणी

संचालक मंडळाचा साफ नकार

Google News Follow

अमेरिकेतील आघाडीची टेक कंपनी एनव्हिडियाचे माजी मुख्य कार्यकारी अधिकारी जेन्सेन हुआंग यांनी कंपनीत पुन्हा परतण्याची इच्छा व्यक्त केली. एका कथित चिनी गुप्तहेर महिलेसोबत असलेल्या प्रेमसंबंधांचा खुलासा झाल्यानंतर त्यांना आपल्या पदाचा राजीनामा द्यावा लागला होता. आपल्या वर्तनाबद्दल आपल्याला मनापासून पश्चात्ताप होत असल्याचे त्यांनी म्हटले. मात्र, हुआंग यांची ही विनंती एनव्हिडियाच्या संचालक मंडळाने फेटाळून लावली आणि त्यांना पुन्हा पदावर नियुक्त करण्यास नकार दिला.

सोशल मीडिया प्लॅटफॉर्म X वरील पोस्टद्वारे सार्वजनिक आवाहन करताना हुआंग यांनी कबूल केले की, त्यांनी आपल्या वैयक्तिक आयुष्यात ‘गंभीर चुका’ केल्या आणि त्यामुळे संचालक मंडळासमोर अडचणी निर्माण झाल्या, याचा त्यांना मनापासून पश्चात्ताप आहे. कंपनीकडून अपेक्षित असलेल्या मानकांनुसार आपण वागू शकलो नाही, असेही त्यांनी मान्य केले. मात्र, आपल्या चुका सुधारण्याची तयारी असल्याचे त्यांनी सांगितले.

हे ही वाचा:

राहुल गांधी अमेरिकेत पुन्हा बरळले

ट्रम्प यांच्या हत्येचा कट रचणाऱ्या पाकिस्तानी नागरिकाला २७ वर्षांची शिक्षा

अरविंद सावंत यांना प्रश्न झोंबला; कार्यकर्त्यांकडून पत्रकाराला दमदाटी

‘दृश्यम ३ : द कन्क्लुजन’च्या ओटीटी प्रदर्शनाचा मार्ग मोकळा

हुआंग यांनी लिहिले, “एनव्हिडियामध्ये प्रत्येकाकडून अपेक्षित असलेल्या मानकांनुसार मी वागू शकलो नाही आणि माझ्या वैयक्तिक आयुष्यात मी गंभीर चुका केल्या आहेत. माझ्यामुळे संचालक मंडळासमोर समस्या निर्माण झाल्या, याचा मला मनापासून पश्चात्ताप आहे. माझ्या चुकांची संपूर्ण जबाबदारी मी स्वीकारतो आणि संचालक मंडळाच्या स्वतंत्र चौकशीला सहकार्य करण्यास मी कटिबद्ध आहे.”

मात्र, एनव्हिडिया ही कंपनी म्हणजेच आपल्या आयुष्याचे कार्य असल्याचे त्यांनी आवर्जून सांगितले. तसेच, अशा कंपनीची उभारणी करणे हा आपल्यासाठी विशेष सन्मान आणि बहुमान असल्याचे ते म्हणाले.

मात्र, एनव्हिडियाच्या संचालक मंडळाने त्यांची विनंती फेटाळली. गुंतवणूकदारांसोबत झालेल्या कॉन्फरन्स कॉलदरम्यान एनव्हिडियाचे संचालक मंडळाचे अध्यक्ष हार्वे जोन्स यांनी स्पष्ट केले की, कंपनीचा हुआंग यांना पुन्हा नियुक्त करण्याचा कोणताही विचार नाही. जोन्स यांनी सांगितले की, कंपनी शक्य तितक्या लवकर नवीन सीईओ नियुक्त करण्याच्या तयारीत आहे. मात्र, योग्य व्यक्ती मिळेपर्यंत घाई केली जाणार नाही.

नवीन सीईओ शोधण्याची जबाबदारी एनव्हिडियाच्या संचालक मंडळाने कार्यकारी नियुक्ती करणाऱ्या हायड्रिक अँड स्ट्रगल्स या कंपनीकडे सोपवली आहे. हुआंग यांच्या जागी आलेल्या क्रेस म्हणाल्या, “जेन्सेन यांनी एनव्हिडियामधील आपल्या पदाचा राजीनामा दिला आणि संचालक मंडळाने तो स्वीकारला. जेन्सेन यांना पुन्हा पदावर नियुक्त केले जाणार नाही, असा निर्णय संचालक मंडळाने घेतला आहे.”

कृत्रिम बुद्धिमत्ता तंत्रज्ञान क्षेत्रातील आघाडीच्या कंपनीचे नेतृत्व करणारे जेन्सेन हुआंग यांना विवाहबाह्य संबंधांचा खुलासा झाल्यानंतर मोठ्या वादाला सामोरे जावे लागले. एनव्हिडियाच्या दोन महिला कर्मचाऱ्यांसह अनेक महिलांशी त्यांचे विवाहबाह्य संबंध असल्याचे समोर आले होते. या वादानंतरही सुरुवातीला संचालक मंडळाने हुआंग कंपनीचे नेतृत्व सुरूच ठेवतील, असे संकेत दिले होते.

National Stock Exchange
spot_img

प्रतिक्रिया द्या

कृपया आपली टिप्पणी द्या!
कृपया येथे आपले नाव प्रविष्ट करा

The reCAPTCHA verification period has expired. Please reload the page.

आम्हाला follow करा

113,459चाहतेआवड दर्शवा
2,036अनुयायीअनुकरण करा
342,000सदस्य यादीसदस्य व्हा

इतर नवीनतम कथा