‘जनाब राऊत एमआयएम की मोहब्बत कोण आहे हे महाराष्ट्राला माहीत आहे’

महाआघाडीचे मदारी डमरू वाजवतात आणि संजय राऊत तुम्ही त्यावर उड्या मारता. हे रोजचे मनोरंजन बंद करा, असा घणाघात भाजपा नेते गोपीचंद पडळकर यांनी केला. शिवसेनेचे खासदार संजय राऊत यांनी अग्रलेखात केलेल्या वक्तव्यावरून पडळकर यांनी ही टीका केली आहे.

ट्विटच्या माध्यमातून पडळकर यांनी शिवसेनेचे खासदार संजय राऊत यांच्यावर हल्लाबोल केला आहे. पडळकर यांनी राऊत यांच्यावर खरमरीत टीका केली आहे. पडळकर म्हणतात की, ओवेसींना आलिंगन देऊन मालेगाव, अमरावतीत सत्तेच्या इदीचा नजराणा तुम्हीच पेश केलात. सत्तेसाठी बाळासाहेबांच्या विचारांना तिलांजली दिलीत. आता जनाब राऊत एमआयएम की मोहब्बत कोण आहे हे महाराष्ट्राला माहीत आहे. हे रोजचे मनोरंजन आता बंद करा.

#ओवीसीला आलिंगन घालून मालेगाव व अमरावतीत सत्तेच्या इदीचा नजराणा तुम्ही पेश केला होता.आता ‘जनाब राऊत MIM की मुहब्बत कौन है?’हे #महाराष्ट्राला माहितीये.#महाआघाडीचे मदारी डमरू वाजवतात आणि कोलांट्या उड्या मारता.हे रोजच मनोरंजन बंद करा.@rautsanjay61 @ShivSena @SaamanaOnline pic.twitter.com/HQxNRGNKdJ

— Gopichand Padalkar (@GopichandP_MLC) September 27, 2021

संजय राऊत यांनी सामनाच्या अग्रलेखात असदुद्दीन ओवेसी यांच्यावर टीका करताना मुसलमान देशाचे नागरीक आहेत, त्यांनी देशाचे संविधान पाळून आपला मार्ग तयार करावा असे सांगण्याची हिंमत ओवेसी यांनी दाखवावी. नाहीतर ते भाजपाचे अंगवस्त्र म्हणून ओळखले जातील.

हे ही वाचा:

काय आहे आयुष्यमान भारत कार्ड?

धक्कादायक! … म्हणून तो देणार होता बायकोचा बळी!

किरीट सोमैय्यांचा कोल्हापूर दौरा आज सुरु, काय होणार कागलमध्ये?

भारत-तैवानमधील ‘हा’ करार वाढवतोय चीनची चिंता

योगींनी मुख्यमंत्री बनू नये म्हणून शपथा घेणाऱ्यांना योगीजी बघून घेतील. ते सक्षम आहेत. पण महाराष्ट्रातील हिंदूना शिव्या देणारा शर्जील उस्मानीसारख्या व्यक्तीवर तुम्हाला कारवाई करण्याची हिंमत नाही. अशा भेकड प्रवृत्तींनी आम्हाला हिंदुत्व शिकवण्याची आवश्यकता नाही, असेही गोपीचंद पडळकर म्हणाले.