ठाण्यातील वृद्धाश्रमात ६७ जण कोरोना पॉझिटिव्ह

महाराष्ट्रातील ठाणे जिल्ह्यातील वृद्धाश्रमात ६७ लोक कोरोना पॉझिटिव्ह आढळले आहेत. म्हणजेच ६२ वृद्ध कोरोना पॉझिटिव्ह आहेत तर त्यात पाच कर्मचारीही पॉझिटिव्ह आहेत. सर्व बाधित लोकांना रुग्णालयात दाखल करण्यात आले आहे. ठाणे सिव्हिल हॉस्पिटलचे सिव्हिल सर्जन डॉ. कैलास पवार यांनी सांगितले की, ६७ जणांचा चाचणी अहवाल कोरोना पॉझिटिव्ह आला आहे. कोरोनाचा नवा प्रकार आल्यामुळे खळबळ उडाली आहे. सर्व रुग्णांची कसून तपासणी केली जात आहे.

भिवंडी तालुक्यातील खडवली येथे असलेल्या मातोश्री वृद्धाश्रमात काही लोकांची प्रकृती स्थिर नसल्यामुळे त्यांना रुग्णालयात दाखल करण्यात आले होते, असे जिल्हा अधिकारी डॉ. मनीष रेंगे यांनी सांगितले. १०९ लोकांची तपासणी करण्यात आली असून यामध्ये ६१ लोक कोरोना पॉझिटिव्ह आढळले आहेत. तर शुक्रवारी एक वृद्ध कोरोना पॉझिटिव्ह आढळला.

अधिकाऱ्यांनी सांगितले की, सर्व ६२ संक्रमित वृद्धांना ठाणे सिव्हिल हॉस्पिटलमध्ये दाखल करण्यात आले आहे. तर इतर पाच कर्मचाऱ्यांनाही रुग्णालयात दाखल करण्यात आले आहे. त्यांच्यावर पाळत ठेवण्यात आली आहे. काही दिवसांपासून कोरोनाच्या रुग्णांमध्ये सातत्याने घट होत होती, मात्र आता राज्यात अनेक ठिकाणी पुन्हा एकदा कोरोना पॉझिटिव्ह लोक आढळू लागले आहेत.

हे ही वाचा:

वादग्रस्त पत्रकार विनोद दुआ यांची प्रकृती गंभीर

‘महिला विरोधी आघाडी सरकारचं वस्त्रहरण’

संजय राऊतांना सीरियसली घेऊ नका!

शिवसेना आमदार रमेश कोरगावकर यांची ‘कोरिओग्राफी’

दरम्यान, दक्षिण आफ्रिकेत सापडलेल्या ओमिक्रॉन या कोरोनाचे नवीन प्रकार जगभरात घबराट पसरवत आहे. हे थांबवण्यासाठी केंद्र आणि राज्य सरकार सतर्क झाले आहे. महाराष्ट्र सरकारने अनेक निर्बंध लादले असताना केंद्र सरकारने परदेशातून येणाऱ्या प्रवाशांची कसून चौकशी करण्याचे आदेश दिले आहेत.