उत्तर काश्मीरच्या कुपवाडा जिल्ह्यातील चौकीबल-तंगधर मार्गावर काल रात्रीपासून बर्फवृष्टीमुळे रस्ता ठप्प झाला होता. बर्फवृष्टीमुळे झालेल्या हिमस्खलनात वाहनांमध्ये अडकलेल्या लहान मुलांसह तीस नागरिकांची लष्कराने सुटका केली आहे.
NH ७०१ वरील खूनी नाला आणि एसएम हिलजवळ वाहनात नागरिक अडकल्याची माहिती मिळताच कॅप्टन कुलज्योत सिंग यांच्या नेतृत्वाखाली भारतीय लष्कराने हिमस्खलन बचाव पथकांचा समावेश असलेल्या दोन बचाव पथके आणि जीआरईएफची एक टीम या नागरिकांना वाचवण्यासाठी तैनात केली.
दुहेरी हिम्सखनामुळे प्रतिकूल हवामान परिस्थिती असूनही, लष्कराला नागरिकांना वाचवण्यात यश आले आहे. १४ नागरिकांना वाचवून त्यांना नीलम आणि १६ नागरिकांना एनसी पासमध्ये आणण्यात आले आहे. सुटका करण्यात आलेल्या नागरिकांमध्ये एक आजारी रुग्ण, स्त्रिया,आणि लहान मुलांचा समावेश होता. सुटका करण्यात आलेल्या सर्व नागरिकांना रात्रीचे अन्न, वैद्यकीय सेवा आणि निवारा प्रदान करण्यात आला.
आज दिवसभरात हिमस्खलन आणि बर्फाच्या सरकत्या रस्त्यावरून बारा वाहने बाहेर काढण्यात लष्कराला यश आले आहे. जीआरईएफने धोकादायक परिस्थितीत बर्फ साफ करण्यात एक कठीण परंतु तारकीय भूमिका बजावली. या संपूर्ण बचाव कार्याला सुमारे पाच ते सहा तास लागले.
हे ही वाचा:
महाराष्ट्रात कोरोना मृत्यूंमध्ये लस न घेतलेलेच जास्त
व्यंगचित्रकार नारायण देबनाथ यांचे निधन
सपाचे आमीष…फॉर्म भरा, ३०० युनिट वीज मिळवा!
पंजाब मुख्यमंत्र्यांच्या नातेवाईकांकडे ईडीचे छापे
गेल्या वर्षी देखील एनसी पासच्या जवळ असलेल्या खूनी नाल्याजवळ सैन्याने नागरिकांची सुटका केली होती. या भागात नेहमी हिमस्खलन आणि हिमस्खलनाचा धोका उद्बवतो. काही दिवसांपूर्वी भारतीय लष्कराने जम्मू आणि काश्मीरमधील घग्गर हिल गावातून मुसळधार हिमवर्षावातून एका गर्भवती महिलेची सुखरूप सुटका केली होती.
