आंबेनळी घाट, धोक्याची वाट

महाबळेश्वर-पोलादपूरदरम्यान आंबेनळी घाटाची गेल्यावर्षी अतिवृष्टीमुळे आतोनात हानी झाली होती. रस्त्याला तडा गेल्या. रस्त्यावर मोठमोठ्या दरडी कोसळल्या. डोंगरातून वाहणारा पाण्याचा प्रवाह घाटरस्त्यावरून वाहत होता. त्यामुळे मोठमोठे दगड रस्त्यावर आले. साहजिकच अनेक दिवस हा मार्ग वाहतुकीस बंद करण्यात आला. त्यानंतर सुरू झालेली कामे पावसाळा तोंडावर आला तरी सुरूच आहेत.