टॅक्स ते गुंतवणूक, या महत्त्वाच्या तारखा लक्षात ठेवा

२०२६ ची सुरुवात झाली आहे. नव्या वर्षासोबत कर व गुंतवणुकीशी संबंधित महत्त्वाच्या डेडलाईन माहिती असणे आवश्यक आहे, जेणेकरून योग्य वेळी योग्य निर्णय घेता येतील आणि पैशांची बचत करता येईल. या लेखात २०२६ मधील कर आणि गुंतवणुकीशी संबंधित संपूर्ण टाइमलाईन दिली आहे.

जानेवारी : जर तुम्ही जुनी करप्रणाली (ओल्ड टॅक्स रिजीम) निवडली असेल, तर नियोक्त्याकडे एचआरए, ८०सी आणि दानाच्या पावत्या जमा करा. यामुळे करबचत होईल. तसेच पॅनचा स्टेटस तपासा, कारण पॅन-आधार लिंक करण्याची अंतिम तारीख ३१ डिसेंबर २०२५ होती. फेब्रुवारी : केंद्र सरकार फेब्रुवारीत अर्थसंकल्प सादर करते. यात कर व गुंतवणुकीबाबत महत्त्वाच्या घोषणा होतात. त्या आपल्या कर नियोजनात समाविष्ट करा. मार्च : आर्थिक वर्ष २६ चा शेवटचा महिना असल्याने कर भरण्यासाठी महत्त्वाचा. अ‍ॅडव्हान्स टॅक्स लागू असल्यास १५ मार्चपर्यंत कर भरा. ३१ मार्चपर्यंत केलेल्या गुंतवणुकीचा फायदा आयटीआरमध्ये मिळतो. एप्रिल : १ एप्रिलपासून नवीन आर्थिक वर्ष सुरू होते. पीपीएफ किंवा ८०सी अंतर्गत गुंतवणूक करा. वरिष्ठ नागरिकांनी टीसीएस टाळण्यासाठी फॉर्म १५एच एप्रिलमध्येच द्यावा. १९ एप्रिल रोजी अक्षय तृतीया सोने खरेदीसाठी शुभ.

हेही वाचा..

रॅगिंगविरोधात विद्यापीठांकडून कठोर निर्णयांची अपेक्षा

समाजाला रामराज्याकडे न्यायचे असेल तर श्रीरामासारखे व्हावे लागेल

निवडणूक आयोगाने नागरिकांकडून सूचना मागवल्या

व्हेनेझुएलावर अमेरिकेचे हल्ले? राजधानी कराकसमध्ये झाले स्फोट

मे : थेट कराच्या दृष्टीने महत्त्व कमी; मात्र करनियोजनाचा आढावा घ्या व नवीन गुंतवणूक ठरवा. जून : १५ जून — पहिली अ‍ॅडव्हान्स टॅक्स भरायची तारीख. जुलैमध्ये आयटीआर फाईलिंग असल्याने फॉर्म २६एएस, फॉर्म १६ व टीडीएस प्रमाणपत्रे गोळा करा. जुलै: बहुधा ३१ जुलै — आयटीआर फाईल करण्याची अंतिम तारीख. ऑगस्ट : आयटीआरमध्ये चूक राहिली असल्यास दुरुस्ती करता येते. सप्टेंबर : १५ सप्टेंबर — दुसरी अ‍ॅडव्हान्स टॅक्स तारीख. सणासुदीची सुरुवात — ऑफर्सचा लाभ घ्या. ऑक्टोबर : २० ऑक्टोबर — दसरा; वाहन, घर, दुकान सुरू करण्यासाठी शुभ. नोव्हेंबर : ६ नोव्हेंबर — दिवाळी; सोने-चांदीत गुंतवणुकीसाठी चांगला काळ, नवीन एसआयपी सुरू करा. डिसेंबर : १५ डिसेंबर — तिसरी अ‍ॅडव्हान्स टॅक्स तारीख.३१ डिसेंबरपर्यंत विलंब शुल्कासह आयटीआर दाखल करता येतो.