भारतामध्ये इलेक्ट्रिक वाहनांच्या विक्रीचा नवा उच्चांक

भारतामध्ये इलेक्ट्रिक वाहनांचा (EV) वापर झपाट्याने वाढत असून २०२५ हे वर्ष EV क्षेत्रासाठी खूप महत्त्वाचे ठरले आहे. या वर्षात देशभरात सुमारे २३ लाख इलेक्ट्रिक वाहने विकली गेली, असा अहवाल समोर आला आहे. त्यामुळे भारताचा EV बाजार नवे विक्रम प्रस्थापित करत असल्याचे स्पष्ट झाले आहे.

लोकांमध्ये पेट्रोल-डिझेलच्या वाढत्या किमतींमुळे तसेच पर्यावरणाबाबत वाढलेल्या जाणीवेमुळे इलेक्ट्रिक वाहनांकडे कल वाढत आहे. कमी खर्चात चालणारी आणि प्रदूषण न करणारी वाहने म्हणून EVs कडे पाहिले जात आहे.

या विक्रीमध्ये दोनचाकी इलेक्ट्रिक वाहने सर्वाधिक पुढे आहेत. २०२५ मध्ये सुमारे १२ ते १३ लाख इलेक्ट्रिक दुचाकी विकल्या गेल्या. त्यानंतर तीनचाकी इलेक्ट्रिक वाहने असून सुमारे ८ लाख युनिट्सची विक्री झाली. इलेक्ट्रिक कारची विक्रीही वाढली असून जवळपास १.७ ते १.८ लाख कार विकल्या गेल्या.
हे ही वाचा :
सबरीमला सोन्याच्या चोरीवर अमित शहांचा हल्लाबोल

‘लाडकी बहीण योजना’ अखंड सुरूच राहणार

राज्यांनुसार पाहिले तर उत्तर प्रदेशमध्ये सर्वाधिक EV विक्री झाली आहे. त्यानंतर महाराष्ट्र आणि कर्नाटक या राज्यांचा क्रम लागतो. दिल्ली, केरळ आणि गोवा यांसारख्या राज्यांमध्येही इलेक्ट्रिक वाहनांचा वापर चांगल्या प्रमाणात वाढत आहे.

सरकारकडूनही EV क्षेत्राला प्रोत्साहन दिले जात आहे. इलेक्ट्रिक बसेस, चार्जिंग स्टेशन आणि विविध योजनांमुळे हा उद्योग अधिक मजबूत होत आहे. एकूणच, भविष्यात भारतामध्ये इलेक्ट्रिक वाहनांचा वापर आणखी वाढणार असून हरित आणि स्वच्छ वाहतुकीकडे देशाचा वेगाने प्रवास सुरू आहे, असे चित्र सध्या दिसत आहे.