भारताचा परकीय चलनसाठा (फॉरेक्स रिझर्व्ह) १७ जुलै रोजी संपलेल्या आठवड्यात १.०८ अब्ज डॉलरने वाढून ६७६.२३७ अब्ज डॉलरवर पोहोचल्याची माहिती भारतीय रिझर्व्ह बँकेने (RBI) शुक्रवारी दिली. याआधीच्या आठवड्यातही परकीय चलनसाठ्यात ९६४ दशलक्ष डॉलरची वाढ झाली होती. त्यामुळे सलग दुसऱ्या आठवड्यात देशाच्या परकीय चलनसाठ्यात वाढ नोंदवली गेली आहे.
आरबीआयच्या आकडेवारीनुसार, परकीय चलनसाठ्यातील सर्वात मोठा घटक असलेल्या विदेशी चलन मालमत्ता (FCA) ४.५४९ अब्ज डॉलरने वाढून ५५१.०५७ अब्ज डॉलरवर पोहोचल्या. मात्र, सुवर्णसाठ्याचे मूल्य ३.४८ अब्ज डॉलरने घटून १०१.७४९ अब्ज डॉलरवर आले, तर स्पेशल ड्रॉइंग राइट्स (SDR) ४४ दशलक्ष डॉलरने वाढून १८.६७ अब्ज डॉलर झाले.
हे ही वाचा:
धर्मेंद्र प्रधान राजीनामा देणार नाहीत…सरकारी सूत्रांची माहिती
हिमाचलमध्ये प्रचंड दगडाखाली टाटा सुमो चिरडली
‘सुप्रीम कोर्टाने याचिका फेटाळलीच नाही!’
आरबीआयने स्पष्ट केले की, परकीय चलनसाठा हा रुपयाची स्थिरता राखण्यासाठी, आयातीसाठी आवश्यक निधी उपलब्ध ठेवण्यासाठी आणि जागतिक आर्थिक तसेच भू-राजकीय अनिश्चिततेच्या काळात देशाला संरक्षण देण्यासाठी अत्यंत महत्त्वाचा असतो. तज्ज्ञांच्या मते, सलग दुसऱ्या आठवड्यात झालेली ही वाढ भारताच्या आर्थिक स्थैर्यासाठी सकारात्मक संकेत मानली जात आहे.
