भारताचा स्मार्टफोन बाजार २०२५ मध्ये सिंगल डिजिट ग्रोथ (एक अंकी वाढ) दाखवणार असून, तो मध्यम पण स्थिर वाढीच्या मार्गावर राहील, असे एका नव्या अहवालात सांगण्यात आले आहे. अहवालानुसार, 5G अपग्रेड, प्रीमियम फोनकडे वाढता कल आणि ग्राहकांच्या कनेक्टेड डिव्हाइस इकोसिस्टमबद्दल वाढती मागणी या घटकांमुळे ही वाढ कायम राहणार आहे. साइबरमीडिया रिसर्च (CMR) च्या अहवालानुसार, भारताच्या स्मार्टफोन बाजाराने वार्षिक पातळीवर ७ टक्क्यांची वाढ नोंदवली आहे. या वाढीमागे सणासुदीचा काळ, 5G तंत्रज्ञानाचा प्रसार आणि प्रीमियम डिव्हाइसकडे ग्राहकांचा कल हे प्रमुख घटक आहेत. ऍपल, विवो आणि मोटोरोलाने प्रीमियम उत्पादनांना प्रोत्साहन देण्यात मोठी भूमिका बजावली आहे.
२०२५ च्या तिसऱ्या तिमाहीत वॅल्यूच्या दृष्टीने ऍपल ३० टक्के बाजारहिस्स्यासह अव्वल स्थानी राहिला, तर २२ टक्के शेअरसह सॅमसंग दुसऱ्या क्रमांकावर होता. 5G स्मार्टफोन मार्केटमध्ये विवोने १८ टक्के मार्केट शेअरसह आघाडी घेतली, तर सॅमसंग १६ टक्के मार्केट शेअरसह दुसऱ्या स्थानावर राहिला. CMR च्या इंडस्ट्री इंटेलिजन्स ग्रुप (IIG) चे विश्लेषक पंकज जादली यांनी सांगितले, “सध्याचा सणासुदीचा आणि वर्षअखेरचा सेल कालावधी शिपमेंट वाढवण्यात निर्णायक ठरेल. प्रीमियम आणि सुपर-प्रीमियम सेगमेंट हे वाढीचे मुख्य इंजिन ठरतील, ज्याचे नेतृत्व ऍपल, सॅमसंग आणि वनप्लस यांच्या फ्लॅगशिप मॉडेल्सकडे असेल.”
हेही वाचा..
कुलगाम, डोडामध्ये दहशतवादी नेटवर्कवर प्रहार
‘या’ कालावधीत होणार संसदेचे हिवाळी अधिवेशन
शिक्षिकेचे तक्रारीकडे दुर्लक्ष आणि नऊ वर्षांच्या मुलीची आत्महत्या; नेमकं प्रकरण काय?
उद्धव ठाकरेंसमोर महिला म्हणाली, टीव्हीवर रामायण दाखवू नका, संविधान दाखवा
या तिमाहीत 5G स्मार्टफोनचे योगदान एकूण शिपमेंटमध्ये ८९ टक्के होते, जे वार्षिक पातळीवर १६ टक्क्यांनी वाढले. तसेच, ६ हजार ते १० हजार किंमत श्रेणीतील 5G स्मार्टफोनमध्ये १६०० टक्क्यांची जबरदस्त वाढ नोंदवली गेली, ज्यातून स्वस्त 5G फोनची झपाट्याने वाढणारी मागणी स्पष्ट होते. CMR च्या IIG विभागातील वरिष्ठ विश्लेषक मेनका कुमारी यांनी सांगितले की, “सणासुदीच्या कालावधीत प्रमोशनल मोहिमा आणि सुलभ ईएमआय योजनांनी ग्राहकांना फोन अपग्रेड करण्यास प्रवृत्त केले. त्यामुळे भारतातील वॅल्यू-फॉर-मनी आणि अफोर्डेबल 5G स्मार्टफोन सेगमेंटला नवे रूप मिळाले.” मेनका पुढे म्हणाल्या, “फीचर फोन विक्रीत सतत घट होत असताना, प्रीमियम स्मार्टफोन सेगमेंटमध्ये दहा टक्क्यांपेक्षा जास्त वाढ दिसून आली आहे. हे दाखवते की स्मार्टफोन खरेदी करणाऱ्या ग्राहकांची संख्या सतत वाढत आहे.” अहवालानुसार, २०२५ च्या तिसऱ्या तिमाहीत 2G फीचर फोन सेगमेंटमध्ये वार्षिक पातळीवर १४ टक्के घट आणि 4G फीचर फोन सेगमेंटमध्ये २४ टक्क्यांची घट नोंदवली गेली.
