बेंगळुरूमध्ये टेस्लाचा चौथा शोरूम

अमेरिकन इलेक्ट्रिक वाहन निर्माता टेस्ला आता भारतात आपला विस्तार आणखीन मोठ्या प्रमाणावर करत आहे. दिल्ली, मुंबई आणि गुरुग्राम नंतर कंपनीने बेंगळुरूमध्ये आपला चौथा शोरूम उघडण्याची घोषणा केली आहे. कंपनीने आपल्या अधिकृत सोशल मीडिया (X) अकाउंटवर “See you soon in Namma Bengaluru” असा संदेश शेयर केला असून, याचा अर्थ “लवकरच आपल्या बेंगळुरूमध्ये भेटू” असा होतो.

टेस्लाचे पहिले तीन शोरूम दिल्ली, मुंबई आणि गुरुग्राममध्ये आहेत. बेंगळुरूमधील शोरूम विविध मॉडेल्स, सेवां आणि माहिती देणार्‍या एक्सपीरियंस सेंटरचे काम करेल. कंपनीने अद्याप नवीन शोरूमच्या उद्घाटनाची नेमकी तारीख सांगितली नाही. तरीही Model Y सारख्या लोकप्रिय इलेक्ट्रिक SUV च्या डिलिव्हरीची योजना सेप्टेंबर 2026 पर्यंत सुरू करण्याचा उद्देश आहे. Model Y चे दोन व्हेरिएंट (RWD आणि लॉन्ग-रेंज RWD) उपलब्ध होतील आणि याची किंमत सुमारे ₹59.89 लाख (एक्स-शोरूम) पासून सुरू होते.
हे ही वाचा :
अयोध्येच्या राम मंदिरात नमाज अदा पठणाचा प्रयत्न; अहमद शेखला घेतले ताब्यात

वीएचपीचा ममता दिदींवर हल्लाबोल

टेस्ला केवळ शोरूमवर भर देत नाही, तर चार्जिंग नेटवर्कदेखील वाढवत आहे. देशभरात सुपरचार्जर्स आणि चार्जिंग स्टेशनची संख्या वाढवण्याच्या योजनेवर काम सुरू आहे, ज्यात बेंगळुरू सुद्धा सामील आहे. त्यामुळे ग्राहकांना गाड्या चार्ज करून प्रवास सोपा करून घेता येईल.

भारतामध्ये टेस्लाचा विस्तार वाढत असल्यामुळे इलेक्ट्रिक वाहन बाजारातील स्पर्धा, ग्राहकांना पर्याय आणि टेक्नोलॉजीचा लाभ दोन्ही वाढण्याची शक्यता आहे. बेंगळुरूमध्ये शोरूम लवकरच उघडल्याने भारतातील EV उद्योगाला आणखी चालना मिळेल.