‘या’ टॉप ७ आयपीओंनी गुंतवणूकदारांना केले मालामाल

सन २०२५ मध्ये भारतीय शेअर बाजारात मोठे चढ-उतार पाहायला मिळाले, मात्र आयपीओ मार्केटसाठी हे वर्ष अत्यंत खास ठरले. यंदा आयपीओंची संख्या मोठी होती, पण काही निवडक आयपीओंनी गुंतवणूकदारांच्या पोर्टफोलिओमध्ये जबरदस्त चमक भरली. काही इश्यू असे ठरले की त्यांनी लिस्टिंगच्या दिवशीच गुंतवणूकदारांना तगडा परतावा देत यंदाच्या सर्वाधिक यशस्वी आयपीओंच्या यादीत स्थान मिळवले. हायवे इन्फ्रास्ट्रक्चर लिमिटेडचा आयपीओ २०२५ मधील सर्वाधिक परतावा देणाऱ्या इश्यूंपैकी एक ठरला. ५ ते ७ ऑगस्ट २०२५दरम्यान हा इश्यू सबस्क्रिप्शनसाठी खुला होता आणि १२ ऑगस्ट रोजी शेअर बाजारात लिस्ट झाला. इश्यू प्राइस ७० रुपये होती, तर शेअर ११५ रुपये दराने लिस्ट झाले म्हणजेच सुमारे ६४.२९ टक्के लिस्टिंग गेन मिळाला.

अर्बन कंपनीचा आयपीओ टेक आणि सर्व्हिस सेक्टरमधील चर्चेचा विषय ठरला. लिस्टिंगच्या दिवशी शेअर इश्यू प्राइस १०३ रुपयेपेक्षा सुमारे ५७–५८ टक्के प्रीमियमवर उघडले. १७ सप्टेंबर रोजी एनएसईवर शेअर १६२.२५ रुपये आणि बीएसईवर १६१ रुपये दराने लिस्ट झाले, ज्यामुळे पहिल्याच दिवशी गुंतवणूकदारांना मोठा फायदा झाला. आदित्य इन्फोटेक आयपीओनेही सुमारे ५०–५१ टक्के लिस्टिंग गेन दिला. ५ ऑगस्ट २०२५ रोजी बीएसईवर १,०१८ रुपये आणि एनएसईवर १,०१५ रुपये दराने लिस्ट झाला, तर इश्यू प्राइस ६७५ रुपये होती.

हेही वाचा..

इंस्टाग्राम डाऊन! युजर्सना लॉगिन आणि अ‍ॅप वापरण्यात अडचणी

काँग्रेस विरुद्ध काँग्रेस संघर्ष टोकाला

दारू दरवर्षी ८ लाख युरोपीय लोकांचा घेते जीव

या आठवड्यात बाजारासाठी महत्त्वाचे ट्रिगर्स कोण ठरणार?

कंझ्युमर ड्युरेबल्स आणि इलेक्ट्रॉनिक्स क्षेत्रातील एलजी इलेक्ट्रॉनिक्स इंडियाचा आयपीओही मोठा हिट ठरला. शेअर इश्यू प्राइस १,१४० रुपये होती, तर बीएसईवर १,७१५ रुपये आणि एनएसईवर १,७१० रुपये दराने लिस्ट झाले म्हणजे प्रति शेअर सुमारे ५७५ रुपयेचा फायदा. जीएनजी इलेक्ट्रॉनिक्सचा आयपीओ २३ ते २५ जुलै २०२५दरम्यान खुला होता आणि ३० जुलै रोजी लिस्ट झाला. इश्यू प्राइस २३७ रुपये होती, तर लिस्टिंग प्राइस ३५५ रुपये होती म्हणजे सुमारे ५० टक्के गेन.

मीशो आयपीओ १० डिसेंबर २०२५ रोजी लिस्ट झाला. इश्यू प्राइस १११ रुपये होती, तर शेअर १६२.५० रुपये दराने लिस्ट झाले म्हणजे सुमारे ४६.४० टक्के परतावा. कोरोना रेमेडीज आयपीओ १५ डिसेंबर २०२५ रोजी लिस्ट झाला. इश्यू प्राइस सुमारे १,०६२ रुपये होती आणि लिस्टिंगला शेअर १,४७० रुपयेवर उघडले म्हणजे सुमारे ३८.४२ टक्के गेन.