टोयोटा अर्बन क्रूझर EV भारतात 19 जानेवारीला होणार लॉन्च

जपानी वाहननिर्माता टोयोटा किर्लोस्कर मोटर भारतीय बाजारात आपली पहिली पूर्णपणे इलेक्ट्रिक SUV टोयोटा अर्बन क्रूझर EV 19 जानेवारी रोजी लॉन्च करण्याच्या तयारीत आहे. वाढत्या इलेक्ट्रिक वाहनांच्या मागणीला उत्तर देण्यासाठी टोयोटाने हे महत्त्वाचे पाऊल उचलले आहे. ही SUV आधुनिक डिझाइन, प्रगत तंत्रज्ञान आणि रेंजसह सादर होणार आहे.

टोयोटा अर्बन क्रूझर EV मध्ये दोन बॅटरी पर्याय मिळण्याची शक्यता आहे. यामध्ये 49 kWh आणि 61 kWh क्षमतेच्या बॅटऱ्यांचा समावेश असू शकतो. मोठ्या बॅटरीसह ही SUV एका चार्जमध्ये सुमारे 500 किमी किंवा त्याहून अधिक रेंज देऊ शकते, असा अंदाज आहे. फास्ट चार्जिंग सपोर्टमुळे कमी वेळेत बॅटरी चार्ज होण्याची सुविधाही मिळेल.
हे ही वाचा:
अमेरिकेतील साल्ट लेक सिटीत चर्चबाहेर गोळीबार; २ ठार, ८ जखमी

सरफराजचा विक्रमी अर्धशतक वाया; मुंबईचा एका धावेनं पराभव

नोकरी शोधण्यासाठी भारतीय व्यावसायिक एआयचा वापर करणार

मेटल शेअर्समध्ये मोठी विक्री

फीचर्सच्या बाबतीत अर्बन क्रूझर EV प्रीमियम सेगमेंटला साजेशी असणार आहे. यात मोठा टचस्क्रीन इन्फोटेन्मेंट सिस्टिम, पूर्ण डिजिटल इन्स्ट्रुमेंट क्लस्टर, वायरलेस अँड्रॉइड ऑटो व अ‍ॅपल कारप्ले, 360 डिग्री कॅमेरा, पॅनोरॅमिक सनरूफ आणि लेव्हल-2 ADAS (अ‍ॅडव्हान्स ड्रायव्हर असिस्टन्स सिस्टिम) सारखी सुरक्षिततेची वैशिष्ट्ये मिळण्याची शक्यता आहे.

किंमतीबाबत बोलायचे झाल्यास, टोयोटा अर्बन क्रूझर EV ची एक्स-शोरूम किंमत सुमारे 20 ते 25 लाख रुपयांच्या दरम्यान असू शकते. भारतीय बाजारात ही इलेक्ट्रिक SUV टाटा कर्व्ह EV, हुंडाई क्रेटा इलेक्ट्रिक आणि इतर आगामी EV मॉडेल्सना थेट स्पर्धा देईल. टोयोटाच्या विश्वासार्हतेसह ही कार इलेक्ट्रिक SUV सेगमेंटमध्ये मोठा बदल घडवू शकते.