बंगाल बलात्कार प्रकरण: ३ अटकेत, दोघांचा शोध सुरु!

पश्चिम बंगालमधील दुर्गापूर येथील रुग्णालयाच्या आवारात एका वैद्यकीय विद्यार्थिनीवर झालेल्या सामूहिक बलात्कार प्रकरणात पोलिसांनी तीन जणांना अटक केली आहे, असे पोलिस सूत्रांनी सांगितले. इतर दोन आरोपी अजूनही फरार आहेत. ही घटना कोलकातापासून सुमारे १७० किमी अंतरावर असलेल्या दुर्गापूरमधील शोभापूरजवळील एका खाजगी वैद्यकीय महाविद्यालयात एमबीबीएसच्या दुसऱ्या वर्षाच्या विद्यार्थिनीशी संबंधित आहे.

ओडिशातील जलेश्वर येथील रहिवासी असलेली पीडित तरुणीवर शुक्रवारी संध्याकाळी उशिरा रुग्णालयाच्या इमारतीच्या मागे असलेल्या परिसरात बलात्कार करण्यात आला. सूत्रांनी दिलेल्या माहितीनुसार, ही विद्यार्थिनी रात्री ८:३० च्या सुमारास एका पुरुष मित्रासह कॅम्पसमधून बाहेर पडली होती. कॅम्पसच्या गेटजवळ एका व्यक्तीने तिला रुग्णालयाच्या मागे एका निर्जन ठिकाणी ओढून नेले आणि तिच्यावर बलात्कार केला.

गाझामधून इस्रायली बंधकांची सुटका सोमवारपासून सुरू!

तालिबानचा सीमारेषेवर हल्ला: १२ पाकिस्तानी सैनिक ठार, लष्करी चौक्या ताब्यात!

‘एआय, ब्लॉकचेन आणि डिजिटायझेशनमुळे पारदर्शकता आणि कार्यक्षमतेत वाढ’

दरम्यान, भाजपने तृणमूल काँग्रेस (टीएमसी) सरकारवर तीव्र राजकीय हल्ला चढवला आणि राज्यात कायदा आणि सुव्यवस्था राखण्यात सातत्याने अपयशी ठरल्याचा आरोप केला. “पश्चिम बंगाल महिलांसाठी सुरक्षित नाही. जोपर्यंत तृणमूल काँग्रेस सरकारला जबाबदार धरले जात नाही, तोपर्यंत राज्यातील महिला भीतीत जगत राहतील. ममता बॅनर्जी यांना २०२६ मध्ये जावे लागेल,” असे भाजप आयटी सेलचे प्रमुख अमित मालवीय यांनी एक्सवर लिहिले.