२०२५ सालाची विदाई आणि नव्या वर्षाच्या स्वागतादरम्यान मुंबईत एक अपघात घडला असून, त्यात एक ट्रॅफिक पोलिस कॉन्स्टेबल गंभीर जखमी झाला आहे. हा अपघात तेव्हा झाला, जेव्हा संपूर्ण शहरात कडक पोलिस बंदोबस्त तैनात करण्यात आला होता. वर्ली येथील एनएससीआय परिसरात ‘ड्रंक अँड ड्राइव्ह’ विरोधातील नाकाबंदी सुरू असताना एका भरधाव दुचाकीने ट्रॅफिक कॉन्स्टेबलला जोरदार धडक दिली. या अपघातात ताडदेव ट्रॅफिक विभागात कार्यरत असलेले ट्रॅफिक पोलिस कॉन्स्टेबल आशीष निघोट गंभीर जखमी झाले. ते संशयास्पद दुचाकीस्वाराला थांबवण्याचा प्रयत्न करत असताना भरधाव दुचाकीने त्यांना धडक दिल्याचे सांगितले जाते. धडक इतकी जोरदार होती की ते रस्त्यावर कोसळले आणि त्यांना गंभीर दुखापत झाली.
घटनास्थळी उपस्थित असलेल्या त्यांचे सहकारी ट्रॅफिक पोलिस कॉन्स्टेबल चंद्रनीलकांत सोनुने यांनी तत्काळ प्रसंगावधान दाखवत जखमी कॉन्स्टेबलला तातडीने नायर रुग्णालयात दाखल केले, जिथे त्यांच्यावर उपचार सुरू आहेत. पोलिस अधिकाऱ्यांच्या माहितीनुसार सध्या त्यांची प्रकृती स्थिर आहे. या घटनेनंतर मुंबईतील ताडदेव पोलिस ठाण्यात अज्ञात दुचाकीचालकाविरुद्ध गुन्हा दाखल करण्यात आला आहे. पोलिस परिसरातील सीसीटीव्ही फुटेज तपासत असून फरार आरोपीचा शोध सुरू आहे.
हेही वाचा..
संरक्षण मंत्र्यांकडून शास्त्रज्ञांच्या ‘उत्कृष्टतेचे’ कौतुक
भारतात नववर्ष २०२६चे जल्लोषात स्वागत
अमरावतीच्या शिंगोरीत ख्रिस्ती धर्मांतरण; केरळचे ८ अटकेत
आरोग्याची विशेष काळजी घेणारे सुपरफूड मोहरीचे तेल
दरम्यान, नववर्षाच्या निमित्ताने मुंबईतील सुरक्षा व्यवस्थेचा आढावा घेण्यासाठी मुंबई पोलिस आयुक्त देवेन भारती यांनी मरीन ड्राइव्ह आणि गिरगाव चौपाटीला भेट दिली. त्यांनी तेथे तैनात पोलिस अधिकारी व कर्मचाऱ्यांशी संवाद साधून व्यवस्थेचा आढावा घेतला आणि त्यांना नववर्षाच्या शुभेच्छा दिल्या. याशिवाय पोलिस आयुक्त देवेन भारती यांनी मुंबई पोलिसांच्या मुख्य नियंत्रण कक्षालाही भेट दिली. तेथे त्यांनी संपूर्ण शहरातील सुरक्षा परिस्थिती व नववर्षाशी संबंधित हालचालींचा आढावा घेतला. यावेळी त्यांनी ड्युटीवर असलेल्या सर्व पोलिस कर्मचाऱ्यांना नववर्षाच्या शुभेच्छा देत त्यांच्या समर्पण आणि मेहनतीचे कौतुक केले.
