जम्मू-काश्मीरमधील हजरतबल दर्ग्यावरील अशोक चिन्हाची तोडफोड!

दर्ग्याच्या नूतनीकरणानंतर बसवलेल्या फलकावर अशोक स्तंभ बनवण्यात आला होता आणि यावर स्थानिक लोक, नेत्यांनी आक्षेप घेतला. काही लोकांनी हातात मोठा दगड घेवून फलकावर असलेल्या अशोक स्तंभ चिन्हाची तोडफोड केली.

दरम्यान, संताप व्यक्त करताना राज्यपाल सिन्हा म्हणाले की, अशोक चिन्ह देशाच्या सार्वभौमत्वाचे आणि अभिमानाचे प्रतिनिधित्व करते आणि राष्ट्रीय भावना दुखावणे खपवून घेतले जाणार नाही. “हजरतबल मंदिरातील नूतनीकरणाच्या फलकावरील अशोक चिन्हाची तोडफोड झाल्याने मला खूप दुःख झाले आहे. अशोक चिन्ह हे आपल्या सार्वभौमत्वाचे आणि राष्ट्रीय अभिमानाचे प्रतीक आहे. अशा कृत्यांमुळे आपल्या राष्ट्रीय भावना दुखावल्या जातात आणि ते खपवून घेतले जाणार नाही. गैरकृत्य करणाऱ्यांवर कठोर कारवाई केली जाईल,” असे त्यांनी ट्विट केले.

या घटनेसंदर्भात श्रीनगर पोलिसांनी अज्ञात व्यक्तींविरुद्ध एफआयआर दाखल केला आहे. जम्मू आणि काश्मीर वक्फ बोर्डाच्या अध्यक्षा दारक्षण अंद्राबी यांनी यापूर्वीच चिन्ह काढून टाकणाऱ्यांवर पीएसए लागू करण्यासह कठोर कायदेशीर कारवाई करण्याची मागणी केली होती. त्यांनी असे प्रतिपादन केले की फलक तोडण्यास जबाबदार असलेले लोक शांतता भंग करण्याचा प्रयत्न करीत आहेत आणि त्यांना कायद्यानुसार गुन्हेगार मानले पाहिजे. 

हे ही वाचा :