फरिदाबादमधून हस्तगत केलेल्या स्फोटकांची तपासणी करताना स्फोट, ९ ठार

जम्मू-काश्मीरमधील श्रीनगर जिल्ह्यात शनिवारी एका पोलीस स्टेशनमध्ये भीषण आकस्मिक स्फोट झाला. सूत्रांच्या माहितीनुसार, दिल्ली स्फोटाच्या आधी फरिदाबादमधून जी स्फोटके जप्त करण्यात आली होती, त्यांच्या नमुन्याची तपासणी करत असताना पोलिस ठाण्यात हा स्फोट झाला. या स्फोटात ९ जणांचा मृत्यू झाला असून २७ जण जखमी झाले आहेत. हा स्फोट श्रीनगरच्या नौगाम पोलीस स्टेशनच्या आत झाला. स्फोट इतका जबरदस्त होता की, आजूबाजूच्या इमारतींना मोठा धक्का बसला, काचा फुटल्या आणि ५–१० किलोमीटरपर्यंत विस्फोटाचा आवाज ऐकू आला. तिथे ठेवलेल्या स्फोटकांचाच स्फोट झाल्याचीही चर्चा आहे.

जम्मू-काश्मीरचे डीजीपी, आयजीपी तसेच वरिष्ठ पोलीस अधिकारी स्फोटानंतर परिस्थितीचा आढावा घेण्यासाठी तात्काळ घटनास्थळी पोहोचले. स्फोटाचे कारण व झालेल्या नुकसानीची अधिकृत पुष्टी अद्याप झालेली नाही. मात्र आयएएनएसला मिळालेल्या माहितीप्रमाणे, हा स्फोट त्या वेळी झाला जेव्हा पोलीस पथक फरीदाबादमध्ये उद्ध्वस्त करण्यात आलेल्या ‘व्हाइट कॉलर’ दहशतवादी मॉड्यूलमधून जप्त केलेल्या अमोनियम नायट्रेटचे नमुने तपासत होते. शीर्ष अधिकाऱ्यांनी दहशतवादी हल्ल्याची शक्यता नाकारली आहे.

हे ही वाचा:

बिहार निवडणूक कधीच निष्पक्ष नव्हती!

लिंगबदल शस्त्रक्रिया जबरदस्तीने केल्याप्रकरणी चौघे जेरबंद

भारताचा पहिल्या दिवसावर एकहाती कब्जा — बुमराहचा पंच, आफ्रिका नामोहरम

चेन्नईत भारतीय हवाई दलाचे विमान कोसळले; वैमानिक बचावला

स्फोटाच्या वेळी नमुना तपासणी करणाऱ्या नऊ पोलीस अधिकाऱ्यांना दुखापत झाली आहे. स्फोटामुळे पोलीस स्टेशनमधील अनेक वाहने पेटली.

लक्षात घेण्यासारखी बाब म्हणजे, जम्मू-काश्मीर पोलीस आणि हरियाणा पोलिसांनी संयुक्त कारवाई करत फरीदाबादमध्ये २९०० किलो अमोनियम नायट्रेट जप्त करून ‘व्हाइट कॉलर’ दहशतवादी मॉड्यूलचा भंडाफोड केला होता. या प्रकरणात डॉ. आदिल राथर आणि डॉ. मुजम्मिल गनई यांना अटक करण्यात आली होती, तर डॉ. उमर नबी पोलिसांना चकवून पळून गेला. नंतर लाल किल्ल्याजवळ कार स्फोटात त्याचा मृत्यू झाला, ज्यात १० जण ठार आणि अनेक जखमी झाले.

लखनऊतील महिला डॉक्टर शाहीन शाहिद हिलादेखील तिच्या कारमधून असॉल्ट रायफल सापडल्याने अटक करण्यात आली. जैश-ए-मोहम्मद दहशतवादी संघटनेच्या दोन ओव्हरग्राउंड वर्कर्स यांच्या अटकेनंतर संपूर्ण मॉड्यूलचा उलगडा झाला.