सुनील पालचे अपहरण करणारा आरोपी गजाआड!

सुप्रसिद्ध कॉमेडियन सुनील पालच्या अपहरण प्रकरणातील मास्टरमाईंडला पोलिसांनी पकडले आहे. पोलिसांनी अर्जुन कर्नावाल नावाच्या आरोपीला अटक केली आहे. यासोबतच त्याच्याकडून अपहरण आणि खंडणीसाठी वापरलेली २.२५ लाख रुपयांची कारही जप्त करण्यात आली आहे. अलीकडेच एका कार्यक्रमाच्या नावाखाली कॉमेडियन सुनील पाल आणि बॉलिवूड अभिनेता मुश्ताक खान यांचे अपहरण करणाऱ्या टोळीतील काही सदस्यांना पोलिसांनी अटक केली आहे. ज्यांनी चौकशीदरम्यान अतिशय धक्कादायक खुलासा केला आहे.

पोलिसांनी आरोपी अर्जुन कर्नावाल याला अटक केली आहे. त्याच्याकडून गुन्ह्यात वापरलेली स्कॉर्पिओ आणि रोख रक्कम जप्त केली आहे. याशिवाय त्याचा मोबाईलही जप्त करण्यात आला आहे. अपहरण प्रकरणाबाबत पोलीस आरोपींची चौकशी करत आहेत. या टोळीने संपूर्ण बॉलिवूड आपल्या रडारवर ठेवल्याचे प्राथमिक तपासात समोर आले आहे. अशा परिस्थितीत ते कलाकारांना त्यांच्या कार्यक्रमांचे आमिष दाखवून त्यांचे अपहरण करत होते. खंडणीचे पैसेही लुटायचे. अटक करण्यात आलेल्या अर्जुन आरोपीने सांगितले की, तो लवी पालच्या सांगण्यावरून काम करत असे. या प्रकरणी आता लवी पालचा शोध सुरु आहे.

दुसरीकडे, अर्जुनच्या वक्तव्यावरून हे स्पष्ट झाले आहे की, मेरठ आणि बिजनौरमध्ये पकडलेले सर्व गुंड लवी पालने दिलेल्या टास्कवर काम करत होते. या प्रकरणाचा म्होरक्या लवी पाल आहे. पोलिसांकडून याचा शोध सुरु आहे.

हे ही वाचा : 

ईव्हीएमवर विश्वास नसेल तर निवडणुका लढवू नका! ओमर अब्दुल्लांचा काँग्रेसला सल्ला

३९ आमदारांनी घेतली मंत्रिपदाची शपथ, सर्वसमावेशक मंत्रिमंडळ

हिंदूंवरील अत्याचारा विरोधात मुलुंड चेकनाका ते विक्रोळीत ‘मानव शृंखला अभियान’

मुस्लिम बहुसंख्यांपेक्षा मोठे असू शकतात