नशेचा सफरछंद; कंटेनरमध्ये सापडल्या कोकेनच्या ५० विटा

डीआरआय मुंबई झोनल युनिटने ५०२ कोटी रुपयांच्या कोकेनच्या ५० विटा जप्त केल्या आहेत. हिरव्या सफरचंदांच्या कंटेनरमध्ये लपवून दक्षिण आफ्रिकेतून ही औषधे आणण्यात आली होती. आंतरराष्ट्रीय बाजारात त्याची किंमत 502 कोटी रुपये आहे. डीआरआय मुंबई झोनल युनिटला याबाबत गुप्त माहिती मिळाली होती. त्याच आधारे, दक्षिण आफ्रिकेतून आयात करण्यात येणारी नाशपाती आणि हिरवी सफरचंद घेऊन जाणारा कंटेनर ६ ऑक्टोबर २०२२ रोजी न्हावा शेवा बंदरावर थांबवण्यात आला.

कंटेनरची तपासणी केली असता एका मोठ्या हिरव्या सफरचंदाच्या कंटेनरमध्ये कोकेनच्या विटा असल्याचे आढळून आले. त्यांचे वजन सुमारे १ किलो होते. तपासादरम्यान, डीआरआय पथकाला अशा ५०.२३ किलो वजनाच्या ५० विटा सापडल्या, ज्यांची किंमत सुमारे ५०२ कोटी रुपये आहे. नोव्हेम्बर महिन्याच्या सुरुवातीला . दक्षिण आफ्रिकेतून येणाऱ्या संत्र्यांच्या खेपातून १९८ किलो मेथ आणि ९ किलो कोकेन जप्त केल्याप्रकरणी डीआरआयने ज्या आयातदाराला यापूर्वी वाशी येथे अटक केली होती त्याच आयातदाराच्या नावावर हे कोकेन आयात केले जात होते.

हे ही वाचा:

या प्रकरणी सीबीआयकडून लालू यादवांसह १५ जणांविरुद्ध आरोपपत्र दाखल

भुजबळांप्रमाणे चतुर्वेदी सीए याने ‘मातोश्री’ची कागदपत्रे व्हाईट करून घेतली

सुप्रसिद्ध ज्येष्ठ अभिनेते अरुण बाली यांचे निधन

मुंबईतल्या गोडाऊनमधून १०० कोटींचे एमडी जप्त

समुद्रातून कंटेनरद्वारे तस्करी करण्याचा प्रयत्न असलेली ही अलीकडच्या काळातील कोकेनची ही सर्वात मोठी जप्ती कारवाई आहे . एनडीपीएस कायदा १९८५ च्या तरतुदीनुसार आयातदाराला अटक करण्यात आली आहे. डीआरआय, मुंबई झोनल युनिटने गेल्या १० दिवसांत १९८ किलो मेथॅम्फेटामाइन आणि ९ किलो कोकेन ते १६ किलो हेरॉईन जप्त केले आहे.