तुर्कमन गेट दगडफेक प्रकरणी मोहम्मद इम्रानला अटक

तुर्कमन गेट दगडफेक प्रकरणाशी संबंधित आणखी एका आरोपीला दिल्ली पोलिसांनी अटक केली आहे, त्याचे नाव मोहम्मद इम्रान (वय ३६ वर्षे) आहे. या अटकेसह, या प्रकरणात आतापर्यंत अटक केलेल्या आरोपींची एकूण संख्या १२ झाली आहे, असे पोलिसांनी शुक्रवारी सांगितले.

दिल्ली पोलिसांनी हिंसाचारात सहभागी असलेल्या ३० जणांची ओळख पटवल्याची पुष्टी केली. सीसीटीव्ही फुटेज आणि सोशल मीडियावर फिरणाऱ्या व्हायरल व्हिडिओंचा वापर करून ही ओळख पटवण्यात आली. उर्वरित संशयितांना ताब्यात घेण्यासाठी पोलिस पथकांनी अनेक ठिकाणी छापे टाकले आहेत. शिवाय अतिक्रमणे हटवण्यास सुरुवात झाली तेव्हा पोलिसांच्या बॉडीकॅममध्ये अनेक व्हिडीओ रेकोर्ड झाले असून यातही अनेक दंगलखोरांचे चित्र कैद केले गेले असावे. या अनुषंगाने ते सर्व फुटेजही पाहिले जात आहेत.

या संदर्भात, दिल्ली पोलिस समाजवादी पक्षाचे खासदार मोहिब्बुल्लाह नदवी यांना समन्स बजावणार आहेत आणि त्यांना चौकशीत सामील होण्यास सांगणार आहेत. हिंसाचार सुरू होण्यापूर्वी नदवी घटनास्थळी उपस्थित होते. वरिष्ठ अधिकाऱ्यांनी वारंवार विनंती करूनही, ते घटनेच्या वेळी परिसरातच होते, असे पोलिसांनी सांगितले.

दिल्ली उच्च न्यायालयाच्या निर्देशानुसार, रामलीला मैदानाजवळील तुर्कमान गेटजवळ ही तोडफोड मोहीम राबविण्यात आली. शांतता राखण्यासाठी अमन समितीच्या सदस्यांसह आणि स्थानिक भागधारकांसोबत अनेक समन्वय बैठकींनंतर ७ जानेवारी रोजी पहाटे ही कारवाई करण्यात आल्याचे पोलिसांनी सांगितले.

हे ही वाचा..

‘लँड फॉर जॉब घोटाळा’ प्रकरणात लालू यादवांसह कुटुंबियांविरोधात आरोप निश्चित करा

“डॅनिश भूभागावर आक्रमण केले तर सैन्य थेट गोळीबार करेल!”

“करार झाला होता, पण पंतप्रधान मोदींनी फोन केला नाही”

खोमेनी राजवटीविरोधातील निदर्शेने तीव्र; इंटरनेट, टेलिफोन लाईन्स बंद

दगडफेक प्रकरणातील पाच आरोपींच्या न्यायालयीन कोठडीत दिल्लीतील एका न्यायालयाने काल १३ दिवसांची वाढ केली. लिंक ज्युडिशियल मॅजिस्ट्रेट फर्स्ट क्लास (लिंक जेएमएफसी) पूजा सुहाग यांनी सर्व आरोपींना १३ दिवसांची न्यायालयीन कोठडी सुनावली. एका दिवसाच्या न्यायालयीन कोठडीनंतर आरोपींना न्यायालयात हजर करण्यात आले. सर्व आरोपींच्या जामीन अर्जावर आज न्यायालयात सुनावणी होणार आहे. दिल्ली उच्च न्यायालयाच्या निर्देशांनुसार, रामलीला मैदानाजवळील फैज-ए-इलाही मशिदीजवळ दिल्ली महानगरपालिकेने (एमसीडी) राबवलेल्या अतिक्रमण विरोधी पाडण्याच्या मोहिमेदरम्यान ही घटना घडली होती.