नक्षलवाद्यांची शस्त्रनिर्मिती फॅक्टरी उद्ध्वस्त

छत्तीसगडमधील सुकमा जिल्ह्यात पोलिस अधिकाऱ्यांच्या मार्गदर्शनाखाली गोमगुडा जंगल परिसरात नक्षलवाद्यांची बेकायदेशीर शस्त्रनिर्मिती फॅक्टरी उद्ध्वस्त करण्यात आली. या कारवाईदरम्यान पोलिसांनी रायफल, बंदुकीचे भाग आणि माओवादी कारवायांसाठी वापरली जाणारी यंत्रसामग्री जप्त केली. सुकमा जिल्हा पोलिस व विशेष पथकांनी संयुक्तरीत्या चालविलेल्या एंटी-नक्षल ऑपरेशन अंतर्गत ही मोठी कामगिरी हाती लागली. पोलिसांच्या डीआरजी (डिस्ट्रिक्ट रिझर्व्ह ग्रुप) पथकाला गोमगुडा परिसरातील दाट जंगलात लपविलेल्या अवैध शस्त्रनिर्मिती फॅक्टरीचा माग काढता आला आणि तिला उद्ध्वस्त करण्यात आले.

ही फॅक्टरी नक्षलवाद्यांकडून सुरक्षा दलांवर गंभीर हल्ले करण्यासाठी शस्त्रे तयार करण्यासाठी चालवली जात होती. घटनास्थळावरून पोलिसांना १७ रायफल्स, शस्त्रनिर्मितीची साधने, यंत्रे, गन पार्ट्स आणि मोठ्या प्रमाणात साहित्य मिळाले. जप्त केलेल्या शस्त्रांमध्ये १ रॉकेट लॉंचर, ६ बीजीएल लॉंचर, ६ बाराची रायफल्स आणि इतर शस्त्रनिर्मितीची साधने होती. प्राथमिक तपासात हे स्पष्ट झाले की ही फॅक्टरी परिसरातील सशस्त्र नक्षली कारवायांसाठीच वापरली जात होती. या कारवाईमुळे सुकमा पोलिसांची नवी रणनीती आणि सातत्याने चालविलेले एंटी-नक्षल मोहीम यशस्वी ठरत आहे, हे पुन्हा एकदा सिद्ध झाले.

हेही वाचा..

म. फुले जनआरोग्य योजना ते चंद्रपुरात अभियांत्रिकी तंत्रनिकेतन! मंत्रिमंडळ बैठकीतले २१ निर्णय

‘लिव्ह इन’ जोडप्याची आत्महत्या; चौथ्या मजल्यावरून उडी मारली

मुंबई विमानतळावर अमली पदार्थ, परकीय चलन जप्त

राज्यात रहिवासी क्षेत्रासाठी तुकडेबंदी कायदा रद्द

गेल्या वर्षाच्या आकडेवारीनुसार ५४५ माओवादी आत्मसमर्पण करून मुख्य प्रवाहात सामील झाले, ४५४ जणांना अटक करण्यात आली आणि ६४ माओवादी चकमकींमध्ये ठार झाले. सुकमा पोलिसांनी पुन्हा एकदा नक्षलवाद्यांना हिंसा सोडून शांतता व विकासाच्या मार्गावर येण्याचे आवाहन केले आहे. आत्मसमर्पण करणाऱ्यांना शासनाच्या पुनर्वसन योजनेअंतर्गत रोजगार आणि आर्थिक मदत दिली जाणार आहे.

सुकमा जिल्हा पोलिस अधीक्षकांनी सांगितले की, “आमचे उद्दिष्ट केवळ नक्षलवाद दडपणे नाही, तर या प्रदेशात स्थायी शांतता आणि सर्वसमावेशक विकास प्रस्थापित करणे आहे.” दरम्यान, रविवारी छत्तीसगडच्या गरियाबंद जिल्ह्यातील दाट जंगलात पोलिसांच्या सतर्कतेमुळे नक्षलवाद्यांचा आणखी एक मोठा कट हाणून पाडण्यात आला. जिल्हा मुख्यालयापासून सुमारे ९० किमी अंतरावर असलेल्या शोभा आणि पायलीखंड (जुगाड) पोलिस ठाण्याच्या हद्दीतील साईबीनकछार, कोदोमाली आणि भूतबेड़ा गावाजवळच्या जंगलात तीन ठिकाणी लपवून ठेवलेले मोठे स्फोटक साठे (IED) सापडले. या ठिकाणांहून पोलिसांनी IED बनविण्याचे साहित्य, चार प्रेशर कुकर, इलेक्ट्रिक वायर, फटाके आणि इतर राशन सामग्री जप्त केली.