पंजाबमधील अमृतसरमध्ये अकाली दलाचे नगरसेवक हरजिंदर सिंग यांची गोळ्या झाडून हत्या करण्यात आली आहे. हरजिंदर सिंग हे अमृतसरच्या जंदियाला गुरूचे नगरसेवक होते. मिळालेल्या माहितीनुसार, सीसीटीव्हीच्या मदतीने हल्लेखोराची ओळख पटवण्यात आली आहे. हल्ल्यात वापरलेली दुचाकीही ओळखण्यात आली आहे. पंजाब पोलिसांनी लवकरच मारेकऱ्यापर्यंत पोहोचण्याचा दावा केला आहे.
हरजिंदर सिंह हे जंडियाला गुरु विधानसभा मतदारसंघातील वॉर्ड क्रमांक दोनचे नगरसेवक होते. छेहरता साहिब गुरुद्वाराबाहेर गोळ्या झाडून त्यांची हत्या करण्यात आली. मिळालेल्या माहितीनुसार, काही दिवसांपूर्वी १२ आणि १३ मे च्या मध्यरात्री काही अज्ञात लोकांनी हरजिंदर सिंग यांच्या घरावर गोळ्या झाडल्या होत्या, ज्याचे सीसीटीव्ही कॅमेऱ्यातही चित्रण झाले आहे. त्यांनी याबाबत पोलिस अधिकाऱ्यांकडे तक्रारही केली होती.
मिळालेल्या माहितीनुसार, हरजिंदर सिंग यांना आधीच जीवे मारण्याच्या धमक्या येत होत्या कारण त्यांनी ड्रग्ज तस्करांविरुद्ध कारवाई केली होती आणि पोलिसांना त्यांच्याबद्दल माहिती दिली होती. त्यामुळे यापूर्वी त्यांच्या घराबाहेर गोळ्या झाडण्यात आल्या होत्या आणि आज त्यांची हत्या करण्यात आली.
हे ही वाचा :
भारतीय जूनियर महिला हॉकी टीमने चार देशांच्या मैत्रीपूर्ण स्पर्धेत चिलीवर थरारक विजय
आर्सेनलच्या महिलांनी बार्सिलोना हरवून महिला चॅम्पियन्स लीग जिंकली
श्रीकांत खिताबापासून राहिला अलिप्त, मलेशिया मास्टर्समध्ये उपविजेता
“धोनी म्हणतोय – भारतासाठी खेळण्यानंतर IPL हा सर्वोत्तम रंगमंच!”
पंजाब पोलिसांचे एडीसीपी हरपाल सिंग रंधावा यांनी सांगितले की, “बाईकवरून आलेल्या गुंडांनी त्यांच्यावर गोळ्या झाडल्या. कुटुंबाच्या म्हणण्यानुसार, करण, किशन, सूरज या ५-६ मुलांचा यात सहभाग आहे, ज्यांच्याविरुद्ध त्यांनी आधी ड्रग्ज विकल्याची तक्रार केली होती. त्यांनी त्यांना आधीही धमकी दिली होती. ५-६ राउंड गोळीबार करण्यात आला. या प्रकरणी पुढील तपास सुरु आहे.
