इस्रायली महिलेवर बलात्कार तसेच पर्यटकाचा खूनप्रकरणात तिघांना मृत्युदंड

कर्नाटकातील गंगावती येथील न्यायालयाने हम्पीजवळ परदेशी महिलेवर बलात्कार आणि परदेशी पर्यटकाच्या खुनाच्या प्रकरणात दोषी ठरलेल्या तिघांना फाशीची शिक्षा सुनावली आहे. या प्रकरणामुळे देशभर संतापाची लाट उसळली होती. ६ फेब्रुवारी रोजी प्रथम अतिरिक्त जिल्हा व सत्र न्यायालयाने तिन्ही आरोपींना दोषी ठरवले होते. १६ फेब्रुवारी रोजी शिक्षा सुनावताना न्यायमूर्ती सदानंद नागप्पा नाईक यांनी मृत्युदंडाची शिक्षा ठोठावली. मल्लेश उर्फ हंडीमल्ल, साई आणि शरणप्पा अशी या तिघांची नावे असून, या क्रूर गुन्ह्यातील सहभागाबद्दल त्यांना फाशीची शिक्षा देण्यात आली आहे.

हे प्रकरण जागतिक कीर्तीच्या वारसा स्थळ हंपीजवळ इस्रायली महिलेवर झालेल्या बलात्कार आणि अमेरिकन पर्यटकाच्या खुनाशी संबंधित आहे. या हल्ल्याचे स्वरूप आणि निर्दयी खून यामुळे कठोर शिक्षेची मागणी होत व्यापक संताप व्यक्त करण्यात आला होता.

६ फेब्रुवारी रोजी कोप्पल जिल्ह्यातील न्यायालयाने परदेशी नागरिकासह दोन महिलांवर सामूहिक बलात्कार आणि एका पुरुष पर्यटकाच्या खुनाबाबत तिन्ही आरोपींना दोषी ठरवले होते. पोलिसांच्या माहितीनुसार, शिक्षा जाहीर करण्यापूर्वी न्यायालयाने दोषींना बाजू मांडण्याची संधी दिली आणि १६ फेब्रुवारी रोजी अंतिम निर्णय दिला. ही घटना मागील वर्षी मार्च महिन्यात सानापूर येथे, तुंगभद्रा डाव्या काठावरील कालव्याजवळ, हम्पीजवळ घडली होती.

हे ही वाचा:

केरळ स्टोरी २ येतोय…’लव्ह जिहाद’मुळे तीन मुलींच्या उद्ध्वस्त आयुष्याची कथा!

आदित्य धर यांची B62 प्रॉडक्शन कंपनी ब्लॅकलिस्ट!

मेरठमध्ये सापडली पाकिस्तानी हेर महिला

रशियाच्या मॉस्कोतील हॉस्टेलमध्ये भीषण आग

पोलिसांच्या माहितीनुसार, ६ मार्च २०२५ च्या रात्री आरोपींनी इस्रायली पर्यटक, होमस्टे संचालिका आणि त्यांच्यासोबत असलेल्या तीन पुरुष पर्यटकांकडे पैशांची मागणी केली. पैसे देण्यास नकार दिल्यानंतर तिघांनी कथितपणे तिन्ही पुरुषांना कालव्यात ढकलले आणि दोन महिलांवर लैंगिक अत्याचार केला.

कालव्यात ढकललेल्या तिघांपैकी दोघे पोहत सुरक्षित बाहेर आले; मात्र ओडिशातील एका पर्यटकाचा बुडून मृत्यू झाला.न्यायालयाने मल्लेश, साई आणि शरणप्पा यांना भारतीय न्याय संहिता अंतर्गत खून, सामूहिक बलात्कार, खुनाचा प्रयत्न आणि दरोडा यांसह विविध कलमांखाली दोषी ठरवले, अशी माहिती पोलिसांनी दिली.