27 C
Mumbai
Thursday, June 20, 2024
घरक्राईमनामा‘पुन्हा भाजपचा जयजयकार केल्यास जमिनीत गाडून टाकू’

‘पुन्हा भाजपचा जयजयकार केल्यास जमिनीत गाडून टाकू’

मुस्लिम जमावाचा दलित कुटुंबावर तलवारीने हल्ला

Google News Follow

Related

उत्तर प्रदेशातील जौनपूर जिल्ह्यात पंतप्रधान नरेंद्र मोदी, उत्तर प्रदेशचे मुख्यमंत्री योगी आदित्यनाथ आणि भाजपविरोधात आक्षेपार्ह वक्तव्य केल्याने खळबळ उडाली आहे. जिल्ह्यातील मुस्लिम आणि दलित समाजात झालेल्या वादातून सुमारे डझनभर लोक जखमी झाले आहेत. जखमींपैकी सहा जणांची प्रकृती गंभीर असून त्यांच्यावर रुग्णालयात उपचार सुरू आहेत. संघर्ष आणि तणावाच्या पार्श्वभूमीवर गावात फौजफाटा तैनात करण्यात आला आहे. आतापर्यंत पोलिसांनी दोन्ही बाजूंविरुद्ध एफआयआर दाखल केले आहेत. त्यांनी एकूण सहा आरोपींना अटक केली आहे.

जौनपूर जिल्ह्यातील शाहगंज पोलिस ठाणे परिसरात ७ जून रोजी ही घटना घडली. शनिवारी भाडी गावातील रहिवासी विपीन कन्नौजिया यांनी पोलिसांत तक्रार दाखल केली. विपीनने दिलेल्या माहितीनुसार, ७ जून रोजी रात्री सव्वा नऊ वाजण्याच्या सुमारास ते जेवण करून बाहेर फिरत होते. तेवढ्यात भावी छिडवा गावचे रहिवासी असलेले शाहबाज आणि करीम तेथे पोहोचले. विपिनकडे बघून दोघेही त्याला शिवीगाळ करू लागले आणि म्हणाले, ‘भाजप-भाजपचा जप करत राहा.

मोदी-योगी आमचे काहीही बिघडवू शकणार नाहीत,’ असे बोलून त्यांनी शिवीगाळ केली आणि लोखंडी काठीने मारहाण केली. डोक्याला मार लागल्याने विपिन जखमी झाला. नातेवाइकाला मारहाण होत असल्याचे पाहून अमनने गजर केला. त्याच क्षणी मोबीन, जमील, सगीर, फारुख आणि अफसर हेही हल्लेखोरांमध्ये सामील झाले. त्यांनी झोपलेल्या पीडितेच्या कुटुंबीयांवरही हल्ला केला. हल्ल्यादरम्यान, त्यांनी पीडितांना जातीवाचक शिवीगाळही केली. या हल्ल्यात विनोद, संतोष, पवन, सूरज, भोला आणि मंजू देवी हे जबर जखमी झाले.

यावेळी शाहबाज, मोबीन, करीम यांच्या हातात तलवारीही दिसल्या. ते म्हणाले, “धोबी, वेड्या, एवढी हिंमत तुमच्या लोकांमध्ये आली आहे का? आता तुम्ही भाजप-भाजप केलेत तर आम्ही तुम्हाला मारून गाडून टाकू. मोदी आणि योगी तुम्हाला वाचवायला येणार नाहीत.’पोलिसांनी कठोर कारवाई करण्याची मागणी तक्रारदाराने केली आहे. पोलिसांनी या प्रकरणी एससी/एसटी कायद्यासह आयपीसी कलम १४७, १४८, ३२३, ३०७, ५०४, ५०५ (२), ५०६ आणि १५३-बी अन्वये एफआयआर दाखल केला आहे. शाहबाज, करीम, मोबीन, जमील, सगीर, शकील, फारुख आणि अफसर यांच्याविरोधात तक्रार दाखल करण्यात आली आहे.

हे ही वाचा:

नरेंद्र मोदींच्या शपथविधी सोहळ्याची जगभरात चर्चा!

इस्रायलच्या युद्धनियोजन मंत्र्यांचा राजीनामा

भारताच्या गोलंदाजांची जादू चालली; शेवटच्या दोन षटकांत फिरला सामना

जम्मू काश्मीरमध्ये यात्रेकरूंच्या बसवर दहशतवादी हल्ला; नऊ जणांचा मृत्यू

मुस्लिम पक्षानेही एफआयआर दाखल केला आहे
दलित समाजाने दाखल केलेल्या एफआयआरनंतर तब्बल चार तासांनंतर शाहबाज खाननेही पोलिस ठाण्यात तक्रार दाखल केली. शाब्दिक बाचाबाचीनंतर विपीनने शहाबाजच्या डोक्यात काठीने वार केल्याचे फिर्यादीत म्हटले आहे. नंतर शाहबाज, करीम, सगीर, मोबीन, अफसर आणि शबाना त्याला वाचवण्यासाठी पोहोचले आणि त्यानंतर विपिनच्या समर्थकांनी त्यांच्यावर हल्ला केला. या हल्ल्यात विपिन, संतोष, राजेश, विनोद, अमन, अरविंद आणि बाबुराम अशी नावे आहेत.

या सर्वांवर आयपीसी कलम १४७, ३२३, १४७, ३२३, ३०८, ५०४ आणि ५०६ अंतर्गत गुन्हा दाखल करण्यात आला आहे. त्यांच्यावर जिवे मारण्याची धमकी दिल्याचा आणि मुस्लिम तरुणांना शिवीगाळ केल्याचा आरोप आहे. जौनपूर पोलिसांनी आतापर्यंत सहा आरोपींना अटक केली आहे. अटक करण्यात आलेल्या आरोपींमध्ये शाहबाज, मोबीन, जमील, शकील, फारुख आणि अफसर यांचा समावेश आहे. या प्रकरणाचा तपास व इतर आवश्यक कार्यवाही सुरू आहे. गावात पोलिस बंदोबस्त तैनात करण्यात आला आहे. सध्या परिस्थिती नियंत्रणात असल्याचे सांगण्यात येत आहे.

spot_img

लेखकाकडून अधिक

प्रतिक्रिया द्या

कृपया आपली टिप्पणी द्या!
कृपया येथे आपले नाव प्रविष्ट करा

The reCAPTCHA verification period has expired. Please reload the page.

आम्हाला follow करा

49,899चाहतेआवड दर्शवा
2,036अनुयायीअनुकरण करा
161,000सदस्य यादीसदस्य व्हा

इतर नवीनतम कथा