उत्तर प्रदेशातील मथुरा जिल्ह्यातील एका सरकारी शाळेत मुलांच्या मेंदूवर ताबा मिळविणे आणि त्यांना धर्मांतरित करण्यासाठी प्रयत्न करणे असा धक्कादायक प्रकार उघडकीस आला आहे. सरकारी प्राथमिक शाळेचा मुख्याध्यापक जान मोहम्मद याने विद्यार्थ्यांना नमाज अदा करण्यास भाग पाडलेच नाही, तर त्यांना धर्मांतरासाठी प्रवृत्त करण्याचाही प्रयत्न केल्याचा आरोप आहे. अहवालानुसार, त्याने हिंदू देवतांचा अवमान केला आणि इस्लामला इतर धर्मांपेक्षा श्रेष्ठ असल्याचे विद्यार्थ्यांच्या मनात बिंबवले.
ही घटना मंता पोलीस ठाण्याच्या हद्दीतील नौजहील प्राथमिक शाळेत घडली. भाजपच्या एका नेत्याकडून तक्रार मिळाल्यानंतर बेसिक शिक्षाधिकारी यांनी तत्काळ त्याला निलंबित केले असून प्रकरणाच्या चौकशीसाठी दोन सदस्यीय समिती नेमली आहे. प्राथमिक चौकशीत आरोपीच्या कृत्यांना दुजोरा मिळाल्याचे सांगण्यात आले आहे.
त्याच्या उपस्थितीत तबलीगी जमातचे सदस्यही शाळेत आणण्यात आले आणि विद्यार्थ्यांवर जबरदस्तीने धर्मांतराचा दबाव टाकण्यात आला. इस्लाम हा जगातील सर्वोत्तम धर्म असल्याचे सांगितले जात होते. शाळेत कधीही राष्ट्रीय गीत गायले जात नव्हते; मुख्याध्यापक स्वतः ते गात नसे आणि विद्यार्थ्यांनी ते गायले तर त्यांना झापले जात होते.
भाजप बाजना मंडळाचे अध्यक्ष दुर्गेश प्रधान यांनी सांगितले की शाळेतील बहुतांश विद्यार्थी हिंदू आहेत. शिक्षकाने लहान मुलांना हाताळून त्यांच्यावर इस्लामी प्रार्थना करण्याचा दबाव टाकला. “त्याने हिंदू धर्माची अवहेलना केली, हिंदू देव-देवतांचा अपमान केला आणि तबलीगी जमातीतील बाहेरच्या लोकांना शाळेत बोलावून इस्लामचे धडे दिले. राष्ट्रीय गीत गाणाऱ्या मुलांना झापले जात होते आणि इस्लाम इतर धर्मांपेक्षा श्रेष्ठ असून त्याचेच पालन करावे, असे सांगितले जात होते,” असे प्रधान यांनी म्हटले.
हे ही वाचा:
कर कपातीनंतर शेअर बाजार तेजीत, सेन्सेक्स ३,८०० अंकांनी वधारला
सोने- चांदीच्या घसरणीला ब्रेक; चांदीचे दर २१,००० ने वाढले
अमेरिका व्यापार करार: भारत ठरला चीन, पाकिस्तान, बांगलादेशपेक्षा वरचढ
काँग्रेस मधील अंतर्गत गटबाजी पुन्हा उघड
या वागणुकीमुळे मुले अस्वस्थ झाली आणि त्यांनी घरी जाऊन पालकांना याबाबत सांगितले. त्यानंतर पालकांनी हा आक्षेपार्ह प्रकार भाजप नेत्यांच्या निदर्शनास आणला. पालकांनी या प्रकरणाची चौकशी करून कारवाई करावी, अशी मागणी केली. BSA चे रतन कीर्ती यांनी सांगितले की तक्रार प्राप्त झाली असून ब्लॉक शिक्षण अधिकारी (BEO) यांनी सादर केलेल्या अहवालात आरोपी प्राथमिकदृष्ट्या दोषी आढळला आहे.
महिलांशी त्याच्या वर्तणुकीबाबतही चिंता व्यक्त करण्यात आली आहे. बदनामीच्या भीतीमुळे अनेक महिलांनी आपली तक्रार उघडपणे मांडली नाही, असे सांगण्यात आले. कीर्ती म्हणाले, “जान मोहम्मद याला निलंबित करून मंता येथील नागला हुमायून प्राथमिक शाळेत संलग्न करण्यात आले आहे. छाता आणि मंता येथील BEO यांना पुढील चौकशीचे आदेश देण्यात आले असून त्यांच्या अहवालानुसार पुढील कारवाई केली जाईल.”
