प्राचीन काळापासून जव हा औषधी गुणधर्मांनी भरलेला आहार मानला जातो. आजही तो आपल्या दैनंदिन जीवनात उपयुक्त आहे. हे गव्हासारखे पौष्टिक धान्य आहे, जे केवळ आहारातच नाही तर घरगुती उपचारांसाठीही वापरला जाते.
प्राचीन आयुर्वेद आणि वैदिक ग्रंथांमध्ये जवाच्या अनेक फायद्यांविषयी माहिती दिली आहे. २० फेब्रुवारी २०२२ रोजी ऑक्सफोर्ड अकॅडमिकमध्ये प्रकाशित झालेल्या एका संशोधनानुसार, जवाचा स्वाद कडू, गोड, तिखट असतो. तो शरीरातील कफ आणि पित्त कमी करण्यास मदत करतो. जवाला शक्तिवर्धक, पचनक्रिया सुधारणारा आणि मूत्रविकारांमध्ये फायदेशीर मानले जाते.
याशिवाय, त्वचारोग, रक्तपित्त, श्वसनसंबंधी त्रास, खोकला आणि मधुमेह यांसारख्या आजारांवर तो उपयोगी आहे. संशोधनानुसार, जव हे एक पौष्टिक आणि औषधी गुणधर्म असलेले धान्य आहे, जे शरीराला ताकद देण्यासोबतच अनेक आरोग्य समस्या दूर करण्यास मदत करते.
जव सेवनाचे फायदे:
- तंतूमय (फायबरयुक्त) व कमी कॅलोरी असलेला आहार – वजन नियंत्रणात ठेवतो आणि कोलेस्टेरॉल कमी करण्यास मदत करतो.
- बीटा-ग्लूकन – रक्तातील साखर नियंत्रणात ठेवतो.
- अँटीऑक्सिडंट व पोषक घटक – रोगप्रतिकारक शक्ती वाढवतात.
- मॅग्नेशियम, फॉस्फरस आणि कॅल्शियम – हाडांसाठी फायदेशीर.
हे ही वाचा:
उरी, पुलवामा हल्ल्याचा बदला घेऊन पंतप्रधान मोदींनी भारताला इस्रायल, अमेरिकेच्या यादीत आणले
युवराज सिंग डब्ल्यूसीएल सीझन २ मध्ये भारताचे नेतृत्व करणार
गेल्या वर्षी अमेरिकेतून २९७ प्राचीन वस्तू भारतात आणल्या…
मायग्रेनपासून मुक्ती देणारे ‘स्वर्गीय झाड’
जवासंबंधी घरगुती उपचार :
- मधुमेह (डायबेटीस): जवाचे सातू तयार करून मध आणि पाण्यासोबत सेवन करा. यामुळे रक्तातील साखर नियंत्रित होऊ शकते.
- शरीरातील जळजळ: उन्हाळ्यात जवाचे सत्व प्यायल्याने शरीरातील उष्णता कमी होते.
- मूत्रविकार: जवाचे भरड दुधासोबत खाल्ल्यास मूत्राशयाच्या समस्या दूर होतात.
- घसा खवखवणे व सुजणे: जवाचे पीठ पाण्यात मिसळून गरम पाण्याने गुळण्या केल्यास घशाला आराम पडतो.
- जखम लवकर बरी होण्यासाठी: जवाच्या पीठात अंजीर रस मिसळून जखमेवर लावल्यास ती लवकर बरी होते.
- पचनसंस्था सुधारण्यासाठी: जव आणि मूग डाळीचे सूप घेतल्याने आतड्यांची उष्णता कमी होते आणि पचन सुधारते.
- मूत्राशयातील खडे : जवाचे पाणी प्यायल्यास मुतखड्याच्या त्रासापासून सुटका मिळू शकते.
- गर्भपात टाळण्यासाठी: जवाच्या चाळून घेतलेल्या पिठात तीळ आणि साखर मिसळून सेवन केल्याने गर्भपाताचा धोका कमी होतो.
- कानाच्या सूजेवर: जवाच्या पीठात इसबगोल भूसी आणि व्हिनेगर (सिरका) मिसळून लेप लावल्याने आराम मिळतो.
