ट्रम्प म्हणतात, भारताने रशियाकडून तेल घेणे थांबवले असे ऐकले आहे!

यापूर्वी, डोनाल्ड ट्रम्प यांनी १ ऑगस्टपासून भारतावर २५ टक्के कर आणि दंड आकारण्याची घोषणा केली होती. ट्रम्प यांनी रशियाकडून भारताची सततची तेल आयात आणि दीर्घकालीन व्यापारातील अडथळे हे या निर्णयामागील प्रमुख कारणे असल्याचे सांगितले.

दरम्यान, अमेरिकेचे परराष्ट्र मंत्री मार्को रुबियो म्हणाले होते की, भारत रशियन तेल खरेदी करत आहे म्हणून अमेरिका नाराज नाही, तर इतरही अनेक कारणे आहेत. एका अमेरिकन मीडिया संस्थेला दिलेल्या मुलाखतीत मार्को रुबियो यांनी दावा केला की, भारत रशियाकडून सतत तेल खरेदी करत असल्याने राष्ट्राध्यक्ष ट्रम्प खूप संतापले आहेत, तर भारताकडे तेल खरेदी करण्याचे इतर अनेक पर्याय आहेत. परंतु रशियाकडून तेल खरेदी करून भारत युक्रेनविरुद्धच्या युद्धात रशियाला मदत करत आहे.

हे ही वाचा : 

IndVsEng Test Series: जयस्वालचे अर्धशतक, सिराज आणि प्रसिद्धच्या चौकारांमुळे भारत इंग्लंडपेक्षा थोडी पुढे

रुबियो म्हणाले, ‘भारताला त्याच्या अर्थव्यवस्थेसाठी खूप ऊर्जेची आवश्यकता आहे. अशा परिस्थितीत, भारत रशियाकडून तेल खरेदी करत आहे, कारण निर्बंधांमुळे रशियन तेल स्वस्त आहे. अनेक प्रकरणांमध्ये, रशिया जागतिक तेलाच्या किमतींपेक्षा कमी किमतीतही तेल विकत आहे. परंतु दुर्दैवाने हे रशियाला युक्रेनविरुद्धची लढाई सुरू ठेवण्यास मदत करत आहे. तर हे सर्वात महत्त्वाचे कारण आहे, जे आपल्याला त्रास देत आहे, परंतु हे एकमेव कारण नाही. आमच्यात काही इतर मुद्दे आहेत, ज्यावर मतभेद आहेत.