अमेरिकेचे राष्ट्राध्यक्ष डोनाल्ड ट्रम्प यांच्या प्रशासनाने वॉशिंग्टनच्या जॉर्जटाऊन विद्यापीठात शिकणारा भारतीय विद्यार्थी बदर खान सुरी याला पॅलेस्टिनी दहशतवादी गट हमासशी संबंध ठेवल्याच्या आणि सोशल मीडियावर त्यांचा प्रचार पसरवल्याच्या आरोपाखाली ताब्यात घेतले आहे, अशी माहिती समोर आली आहे. अमेरिकेच्या गृह सुरक्षा विभागाने यासंदर्भात माहिती दिली आहे.
वॉशिंग्टन डीसीमधील जॉर्जटाऊन विद्यापीठातील संशोधक बदर खान सुरी याला सोमवारी रात्री व्हर्जिनियातील त्याच्या घराबाहेरून अटक करण्यात आली. सध्या इमिग्रेशन कोर्टात तारखेची वाट पाहत असल्याची माहिती आहे. अमेरिकेच्या परराष्ट्र धोरणाला हानी पोहोचवणारे असल्याचे मानल्यानंतर ट्रम्प प्रशासन त्याला हद्दपार करण्याचा प्रयत्न करत आहे, असे विद्यार्थ्याच्या वकिलाने सांगितले आहे. ट्रम्प प्रशासनाने इमिग्रेशन कायद्यातील क्वचितच वापरल्या जाणाऱ्या कलमाचा वापर केला जो अमेरिकेच्या परराष्ट्र धोरणासाठी धोका असलेल्या गैर-नागरिकांना देशाबाहेर पाठवण्याचा अधिकार परराष्ट्र सचिवांना देतो.
अमेरिकेत विद्यार्थी व्हिसावर राहत असलेला बदर खान सुरी याने अमेरिकन नागरिक असलेल्या माफेझ सालेह यांच्याशी विवाह केला आहे. जॉर्जटाऊन विद्यापीठाच्या वेबसाइटनुसार, माफेझे सालेह ही गाझा येथील आहे आणि तिने कतार सरकारच्या निधीतून चालणाऱ्या अल जझीरा आणि पॅलेस्टिनी माध्यमांसाठी लेखन केले आहे. तिने युद्धग्रस्त भागात परराष्ट्र मंत्रालयासोबतही काम केले आहे. सुरी याने एका भारतीय विद्यापीठातून शांतता आणि संघर्ष अभ्यासात पीएचडी केली आहे आणि या सत्रात ते ‘दक्षिण आशियातील बहुसंख्यवाद आणि अल्पसंख्याक हक्क’ या विषयावरील वर्ग शिकवत आहेत.
हे ही वाचा:
दिशा सालियन प्रकरणात आदित्य ठाकरेंना अटक करून चौकशी करा
दिल्लीमधील ‘अकबर रोड’ लिहिलेल्या साइन बोर्डला काळे फासून महाराणा प्रताप यांचा लावला फोटो
नागपूर हिंसाचार प्रकरणाचा मास्टरमाइंड फहीम खानवर देशद्रोहाचा गुन्हा
दिशा सालियन हत्या प्रकरण आदित्य ठाकरे, उद्धव ठाकरेंच्या अंगाशी येणार?
या महिन्याच्या सुरुवातीला, ट्रम्प प्रशासनाने कोलंबिया विद्यापीठातील एका विद्यार्थ्याला अटक केली आणि पॅलेस्टिनी समर्थक निदर्शनांमध्ये भाग घेतल्याबद्दल त्याला हद्दपार करण्याचा प्रयत्न केला. खलील आता त्याच्या अटकेला न्यायालयात आव्हान देत आहे. ट्रम्प यांनी कोणत्याही पुराव्याशिवाय असा दावा केला आहे की खलील हमासला पाठिंबा देतो. तथापि, खलीलचे वकील म्हणतात की त्याचा या गटाशी कोणताही संबंध नाही.
