७ मे रोजी भारताने राबवलेल्या ऑपरेशन सिंदूरसंदर्भात पाकिस्तानचे खोटे पुन्हा एकदा उघड झाले आहे. लष्कर-ए-तैयबा (LeT) या दहशतवादी संघटनेचा वरिष्ठ कमांडर कासिम याचा एक व्हिडीओ सध्या सोशल मीडियावर वेगाने व्हायरल होत आहे. या व्हिडीओमध्ये तो पाकिस्तानातील पंजाब प्रांतातील मुरिदके येथील ‘मर्कज तैयब्बा’च्या ढिगाऱ्यामध्ये उभा राहून स्पष्टपणे कबुली देतो की, हा संपूर्ण परिसर भारताने केलेल्या हल्ल्यात नष्ट झाला होता.
ही कबुली जैश-ए-मोहम्मदच्या कमांडर इलियास काश्मिरीच्या त्या विधानानंतर काही दिवसांतच समोर आली आहे, ज्यामध्ये त्याने बहावलपूरमधील जैशच्या तळावर भारतीय हल्ल्यामुळे मोठ्या प्रमाणात विध्वंस झाल्याचे जाहीर केले होते. या हल्ल्यांमध्ये गटप्रमुख मसूद अझहरच्या कुटुंबाचेही नुकसान झाल्याचे त्याने उघड केले होते.
सोशल मीडियावर व्हायरल होणाऱ्या एका व्हिडिओमध्ये, मुरीदके येथील नष्ट झालेल्या मरकझ-ए-तैयबा कॅम्पच्या ढिगाऱ्यात उभा असलेला लष्कर कमांडर कासिम दिसत आहे. त्याने कबूल केले की अनेक दहशतवाद्यांनी, ज्यांना तो “मुजाहिदीन” म्हणत होता, त्यांनी या ठिकाणी प्रशिक्षण घेतले होते.
पाकिस्तानच्या पंजाब प्रांतातील मुरीदके येथील मरकझ-ए-तैयबा दहशतवादी तळ उद्ध्वस्त झाल्याची पुष्टी करून हा व्हिडिओ इस्लामाबादच्या नकारांना उघड करतो. “मी मुरीदके येथील मरकझ तैयबासमोर उभा आहे. (भारतीय) हल्ल्यात हे पूर्णपणे उद्ध्वस्त झाले आहे. आम्ही ते पुन्हा बांधणार आहोत आणि ते आणखी मोठे करणार आहोत. येथूनच अनेक नामांकित मुजाहिदीनना (दहशतवादी) प्रशिक्षण देण्यात आले आणि त्यांनी ‘फैज'(विजय) मिळवला,” असे लष्कर-ए-तोयबाचा कमांडर म्हणाला.
दुसऱ्या एका व्हिडिओमध्ये, त्यांनी मरकझ-ए-तैयबाचे महत्त्व अधोरेखित केले आणि तरुणांना मुरीदके कॅम्पमधील ‘दौरा-ए-सुफ्फा’ कार्यक्रमात सामील होण्याचे आवाहन केले. हा कार्यक्रम “जिहादी तयारी”चा एक भाग असून, यात मूलभूत लढाईचे प्रशिक्षण (बेसिक कॉम्बॅट ट्रेनिंग) आणि कट्टर धार्मिक शिकवणीचे सत्र यांचा समावेश असतो.
हे ही वाचा :
पश्चिम बंगालमध्ये मुख्यमंत्रीपदी महिला; पण महिलांच्या नरकयातनांत वाढ
मुंबई अहमदाबाद महामार्गावरील कोंडीने २ वर्षांच्या चिमुकल्याचा घेतला बळी
अजमेरमध्ये आणखी एका बांगलादेशी घुसखोराला अटक!
गरबा खेळायचाय? टीळा लावा, आरती करा; मुलींशी गैरवर्तन केलं तर थेट बुलडोझर!
२००० मध्ये स्थापन झालेलं मरकझ तैयबा हे लष्कर-ए-तोयबाचं प्राथमिक आणि सर्वात महत्त्वाचं प्रशिक्षण केंद्र असून ते पाकिस्तानच्या पंजाब प्रांतातील शेखूपुरा जिल्ह्यात, मुरीदकेमधील नांगल सहदान भागात स्थित आहे. दरम्यान, भारतीय गुप्तचर संस्थांनी पुष्टी केली आहे की लष्कर गुप्तपणे या संकुलाची पुनर्बांधणी करत आहे आणि ५ फेब्रुवारी २०२६ रोजी पाकिस्तानमध्ये साजरा होणाऱ्या काश्मीर एकता दिनापूर्वी ते पुन्हा उघडण्याची योजना आखत आहे.
🚨 🇵🇰👺 After Jaish commander ilyas kashmiri now Lashkar-e-Taiba Commander Qaasim has torn apart Pakistan’s lies on Muridke terror camps.
👉 Standing in front of the demolished Markaz E Taiba camp, which destroyed in #OperationSindoor, he admits that many terrorists… pic.twitter.com/S80p9wLSFy
— OsintTV 📺 (@OsintTV) September 19, 2025
