अवकाशातील प्रकाशउत्सव… नासाकडून दिवाळी शुभेच्छा!

अमेरिकेतील अंतराळ संशोधन संस्थेने भारतीयांना अनोख्या शैलीत दिवाळीच्या शुभेच्छा पाठवल्या आहेत. नासाच्या हबल या अंतराळ दुर्बिणीने ‘सेलेस्टियल फेस्टिव्हल ऑफ लाइट्स’ अर्थात अवकाशातील दिव्यांच्या उत्सवाचे छायाचित्र प्रसारित केले. दिवाळीला लाखो भारतीय दिव्यांची आरास करत असल्याच्या पार्श्वभूमीवर अंतराळातही जणू असंख्य दिवे प्रज्ज्वलित झाले आहेत, असे या छायाचित्रात दिसत होते.

“दिवाळी साजरी करणाऱ्या सर्वांना शुभेच्छा. नासा हबलने पृथ्वीपासून ३०,००० प्रकाशवर्षे दूर- आपल्या आकाशगंगेच्या घनदाट आणि धुळीच्या केंद्राजवळ प्रकाशांचा एक खगोलीय उत्सव टिपला आहे,” असे नासाने एक्सवर पोस्ट केले.

हे ही वाचा:

जिहादींचा नंगानाच; कानिफनाथ मंदिरातील पुजारी, भक्तांना लाथाबुक्क्यांनी मारले

पंजाबमध्ये १०० गाड्या एकमेकांवर धडकल्या

रस्ता अडवणाऱ्या दोघांनी हॉर्न वाजवणाऱ्या कॉलेज विद्यार्थ्याला केली जबर मारहाण

रात्री १० नंतर फटाके फोडणाऱ्यांवर गुन्हे दाखल, ८०६ जणांवर कारवाई

‘लिलर १’ समूह हा सर्व प्रकारच्या आकाशगंगांशी संबंधित हजारो ते लाखो ताऱ्यांचा स्थिर, घट्ट बांधलेला समूह आहे. या समूहात दोन अब्ज ते सुमारे १२ अब्ज वर्षे जुने तारे आहेत. काही जुने तारे जवळजवळ १२ अब्ज वर्षे जुन्या विश्वासारखे आहेत, तर लहान तारे सुमारे १-२ अब्ज वर्षे जुने आहेत,’ असे त्यात नमूद करण्यात आले आहे. लिलर १ आकाशगंगेच्या फुगीर भागामध्ये स्थित आहे, जो आकाशगंगेच्या मध्यभागी असलेल्या घनदाट आणि धुळीच्या प्रदेशाचा संदर्भ देतो.
हबलच्या विस्तृत फील्ड कॅमेरा ३ने अचूकपणे प्रतिमा कैद केली. हे उपकरण प्रकाशाच्या तरंगांनाही टिपू शकते.