पंतप्रधान मोदी चीनला भेट देणार!

पंतप्रधान नरेंद्र मोदी ३१ ऑगस्ट ते १ सप्टेंबर दरम्यान शांघाय सहकार्य संघटनेच्या (एससीओ) शिखर परिषदेत सहभागी होण्यासाठी चीनमधील तियानजिनला भेट देणार आहेत. २०२० मध्ये गलवान व्हॅलीमध्ये झालेल्या संघर्षानंतर हा त्यांचा पहिलाच चीन दौरा आहे. २०१९ मध्ये त्यांनी शेवटचा चीन दौरा केला होता.

एससीओ शिखर परिषदेत सहभागी होण्यापूर्वी, पंतप्रधान मोदी ३० ऑगस्ट रोजी जपानला भेट देणार आहेत, जिथे ते जपानी पंतप्रधान फुमियो किशिदा यांच्यासोबत वार्षिक भारत-जपान शिखर परिषदेत सहभागी होतील. तेथून ते चीनला जातील, असे सूत्रांनी सांगितले. एससीओ बैठकीत प्रादेशिक सुरक्षा, दहशतवाद, व्यापार सहकार्य आणि बहुपक्षीय सहकार्य यासारख्या महत्त्वाच्या मुद्द्यांवर चर्चा केली जाईल.

पंतप्रधान मोदींच्या भेटीपूर्वी, जून महिन्याच्या सुरुवातीला, संरक्षण मंत्री राजनाथ सिंह यांनी चीनच्या किंगदाओ शहरात शांघाय सहकार्य संघटनेच्या (एससीओ) संरक्षण मंत्र्यांच्या बैठकीत भाग घेतला होता, जिथे त्यांनी दहशतवादाविरुद्ध भारताचे कठोर धोरण कमकुवत करू शकणाऱ्या दस्तऐवजावर स्वाक्षरी करण्यास नकार दिला. यावेळी दहशतवादाच्या मुद्द्यावर मतभेद झाल्यामुळे, एससीओने संयुक्त निवेदन जारी न करण्याचा निर्णय घेतला होता.

हे ही वाचा : 

विरोधी पक्षाला संसद चालू ठेवायचीच नाही

खालिद का शिवाजी : इतिहासाचे विकृत चित्रण

एफॲण्डओ एक्सपायरीवर बंदी घालण्याचा विचार नाही

ग्वाल्हेरमध्ये दुपारीच दारू व्यापाऱ्याची ३० लाखांची लूट

दरम्यान, पंतप्रधान मोदींचा हा दौरा अशा वेळी होत आहे जेव्हा अमेरिकेचे अध्यक्ष डोनाल्ड ट्रम्प यांनी रशियाकडून तेल खरेदी केल्याबद्दल ब्रिक्स देशांवर निशाणा साधला आहे आणि अमेरिकन अध्यक्षांचा दावा आहे की ब्रिक्स देश डॉलरच्या वर्चस्वाला आव्हान देत आहेत. अशा परिस्थितीत, पंतप्रधान मोदींचा हा दौरा धोरणात्मकदृष्ट्या खूप महत्त्वाचा मानला जात आहे.