अणुऊर्जा समर्थीत देशाने रशियावर आक्रमण केला तर अण्वस्त्र हल्ला

रशिया आणि युक्रेन यांच्यातील युद्ध अद्याप शमण्याची चिन्हे दिसत नसून अशातच आता रशियाचे राष्ट्राध्यक्ष व्लादिमीर पुतिन यांनी सुधारित आण्विक सिद्धांतांमध्ये बदल करून त्यावर स्वाक्षरी केली आहे. यामुळे आता या युद्धाला नवे वळण मिळाले आहे. या नव्या सिद्धांताअंतर्गत कोणत्याही अणुऊर्जा समर्थित देशाने रशियावर हल्ला केल्यास तो त्यांच्या देशावरील संयुक्त हल्ला मानला जाईल, असे जाहीर करण्यात आले आहे. शिवाय रशियाविरुद्ध बॅलेस्टिक क्षेपणास्त्रांचा वापर केल्यास प्रत्युत्तर म्हणून अण्वस्त्र हल्लाही केला जाऊ शकतो. पुतिन यांनी त्यांच्या देशाच्या आण्विक सिद्धांतात हा बदल केला आहे. जेणेकरून युक्रेनला पाठिंबा देणारे देश त्यावर हल्ला करू शकत नाहीत. अमेरिका आणि अनेक युरोपीय देशांनी अलीकडेच युक्रेनला लांब पल्ल्याची शस्त्रे वापरण्याची परवानगी दिली आहे. त्यानंतर पुतिन यांनी हे पाऊल उचलले आहे.

अमेरिकेच्या निवडणुकीनंतर राष्ट्राध्यक्ष जो बायडन यांनी महत्त्वाचे पाऊल उचलत युक्रेनला रशियाविरुद्ध लांब पल्ल्याची क्षेपणास्त्रे वापरण्याची परवानगी दिली. यामुळे रशियाचे अध्यक्ष व्लादिमीर पुतिन संतप्त झाले आहेत कारण आता युक्रेन रशियाच्या मोठ्या शहरांना सहज लक्ष्य करू शकते. त्याला प्रत्युत्तर म्हणून ताजे पाऊल उचलत रशियाचे अध्यक्ष पुतिन यांनी मंगळवारी नव्या अण्वस्त्र धोरणावर स्वाक्षरी केली आहे.

हेही वाचा..

काँग्रेसच्या महिला विरोधी धोरणाचा हा आणखी एक नमुना!

क्षितीज ठाकूर, हितेंद्र ठाकूर यांच्याकडून आधी आरोप आणि नंतर तावडेंच्या गाडीचे सारथ्य

मूल्य आणि तत्त्वे कमी झाल्यामुळेच ‘आप’ला सोडचिठ्ठी!

अनिल देशमुखांच्या गाडीवरील हल्ला म्हणजे सहानुभुती मिळवण्यासाठीचा प्रयत्न

रशियाविरुद्ध कोणत्याही देशाने ड्रोन हल्ला केला तर त्याला अणुऊर्जेच्या स्वरूपात प्रत्युत्तरही दिले जाऊ शकते. रशियन सैन्य अशा हल्ल्याला चोख प्रत्युत्तर देईल. जर कोणतेही शस्त्र रशियाच्या सीमा ओलांडून हवाई किंवा अंतराळातून आले तर ते रशियाविरुद्ध युद्ध मानले जाईल. अशा परिस्थितीत रशिया अण्वस्त्रांचा वापर करू शकतो. जर रशियाला वाटत असेल की आपला देश आणि लोक धोक्यात आहेत, तर तो आण्विक क्षेपणास्त्रे आणि क्षेपणास्त्र संरक्षण यंत्रणा देखील तैनात करू शकतो. जेणेकरून शत्रूच्या हल्ल्याला चोख प्रत्युत्तर देता येईल. अंतराळातून हल्ला झाल्यास रशिया आपली क्षेपणास्त्र संरक्षण प्रणाली सक्रिय करेल. याशिवाय अवकाशातही हल्ले करता येतात. या प्रकारच्या हल्ल्यात न्यूक्लियर डिटरन्सचाही वापर केला जाऊ शकतो, असे महत्त्वाचे बदल करण्यात आले आहेत.