रमजानच्या पवित्र महिन्यात लोक मोठ्या प्रमाणावर दानधर्म करतात. याच भावनेचा गैरफायदा घेतल्याचा धक्कादायक प्रकार समोर आला आहे. दुबई पोलीस यांनी एका अशा भिकाऱ्याला अटक केली आहे, ज्याच्याकडे तब्बल तीन लक्झरी गाड्या असल्याचे उघड झाले. हा प्रकार दुबई येथे घडला असून संपूर्ण संयुक्त अरब अमिरात मध्ये याची चर्चा सुरू आहे.
दुबई पोलीसांनी रमजानदरम्यान भिक मागणाऱ्यांविरोधात विशेष मोहीम सुरू केली आहे. या मोहिमेत अनेक जणांना पकडण्यात आले. मात्र, एका व्यक्तीची चौकशी करताना पोलिसांनाही धक्का बसला. रस्त्यावर साधे कपडे घालून लोकांकडे मदतीची विनंती करणारा हा माणूस प्रत्यक्षात तीन महागड्या कारांचा मालक असल्याचे समोर आले.
हे ही वाचा:
ढोल वाजलो… शंकासूर नाचलो… शिमगो इलो!
गोवा विशेष: राज्यात उभे राहत आहे २० एकरात लक्झरी रिसॉर्ट
भारताची तिसऱ्या तिमाहीत ७.८% जीडीपी वाढ
पाच वर्षांचा मुलगा शाळेच्या बसमध्ये झोपला आणि सात तास अडकून पडला
पोलिसांनी सांगितले की, हा व्यक्ती लोकांना आपल्या आर्थिक अडचणींची खोटी कहाणी सांगत असे. तो स्वतःला अत्यंत गरजू आणि संकटात सापडलेला दाखवत असे. रमजानमुळे लोकांची दान करण्याची भावना वाढलेली असते. याचाच फायदा घेत त्याने काही दिवसांत मोठी रक्कम जमा केली. दिवसातून तो वेगवेगळ्या भागात जाऊन भिक मागत असे आणि नंतर आरामात आपल्या लक्झरी कारमध्ये बसून निघून जात असे.
अधिकाऱ्यांच्या माहितीनुसार, अशा अनेक प्रकरणांमध्ये काही भिकाऱ्यांकडून हजारो दिरहम रोख रक्कम सापडली आहे. काही जण पर्यटक व्हिसावर देशात येतात आणि रमजानमध्ये भिक मागून पैसे कमावतात, असेही तपासात आढळले आहे.
संयुक्त अरब अमिरातमध्ये भिक मागणे हा कायद्याने गुन्हा आहे. दोषी आढळल्यास तुरुंगवास आणि दंडाची तरतूद आहे. विशेषतः संघटित पद्धतीने भिक मागणे किंवा इतरांना यात सहभागी करणे हा गंभीर गुन्हा मानला जातो.
‘कमबॅट बेगिंग’ या मोहिमेअंतर्गत पोलीस नागरिकांना आवाहन करत आहेत की, रस्त्यावर भिक देण्याऐवजी अधिकृत संस्थांमार्फत दान करावे. संशयास्पद हालचाल दिसल्यास पोलीस हेल्पलाईनवर माहिती द्यावी.
