अमेरिका आणि इराण यांच्यात वाढत चाललेल्या तणावाच्या पार्श्वभूमीवर अमेरिकेने आपल्या लष्करी तैनातीत महत्त्वाचा बदल केला आहे. अमेरिकन नौदलाची युद्धनौका USS अब्राहम लिंकन दक्षिण चीन समुद्रातून पश्चिम आशियाच्या दिशेने रवाना झाली आहे. इराणमध्ये मोठ्या प्रमाणावर सरकारविरोधी आंदोलन सुरू असताना आणि अमेरिकेचे राष्ट्राध्यक्ष डोनाल्ड ट्रम्प संभाव्य लष्करी कारवाई करतील का, याबाबत अनिश्चितता असताना हा निर्णय घेण्यात आला आहे.
पेंटागनच्या आदेशानुसार USS अब्राहम लिंकन आणि तिचा संपूर्ण कॅरिअर स्ट्राइक ग्रुप- ज्यात Arleigh Burke-क्लास गाईडेड मिसाईल डिस्ट्रॉयर आणि किमान एक अटॅक सबमरीनचा समावेश आहे. अमेरिकन सेंट्रल कमांड (CENTCOM) च्या कार्यक्षेत्राकडे कूच करत आहे. CENTCOMचे कार्यक्षेत्र चार दशलक्ष चौ. मैलांहून अधिक पसरलेले असून त्यात पश्चिम आशिया, मध्य आशिया, दक्षिण आशिया आणि उत्तर- पूर्व आफ्रिकेतील २१ देशांचा समावेश होतो. अहवालांनुसार, या स्ट्राइक ग्रुपला पश्चिम आशियात पोहोचण्यासाठी किमान एक आठवडा लागण्याची शक्यता आहे.
अमेरिकन नेव्हल इन्स्टिट्यूटच्या कॅरिअर ट्रॅकरनुसार, अलीकडच्या काळात पश्चिम आशियात कोणतीही अमेरिकन विमानवाहू युद्धनौका तैनात नव्हती. USS अब्राहम लिंकन हे या भागाच्या सर्वात जवळ दक्षिण चीन समुद्रात सक्रिय होते. गेल्या महिन्यापासून ही नौका तेथे तैनात होती आणि नुकतीच तिने लाइव्ह-फायर ड्रिल, फ्लाइट ऑपरेशन्स, समुद्रात इंधन भरणे, डॅमेज कंट्रोल असे लष्करी सराव यशस्वीपणे पूर्ण केले आहे.
हे ही वाचा:
“भारतीय अर्थव्यवस्थेबद्दल वाईट बोलणारे राहुल गांधी देशाची माफी मागणार का?”
रोख रकमेप्रकरणी न्यायमूर्ती यशवंत वर्मा यांची चौकशी होणार
मेहुल चोक्सीचा मुलगा मनी लाँड्रिंगमध्ये सक्रिय!
अखेर ट्रम्प यांना मिळाला नोबेल पुरस्कार! प्रकरण काय?
संरक्षण तज्ज्ञांचे मत आहे की संपूर्ण कॅरिअर स्ट्राइक ग्रुपला इंडो-पॅसिफिकमधून वेस्ट एशियात हलवणे ही केवळ प्रतीकात्मक कारवाई नसते. काही विश्लेषकांच्या मते, हा निर्णय संभाव्य दीर्घकालीन लष्करी मोहिमेची किंवा त्या भागात सतत उपस्थिती ठेवण्याच्या तयारीचा संकेत देतो. मात्र, या तैनातीचा नेमका उद्देश काय आहे, याबाबत अमेरिकन प्रशासनाने अधिकृत स्पष्टीकरण दिलेले नाही.
