डास आणि कीटकांपासून त्रस्त आहात?

शतकानुशतके रोगांवर उपचार करण्यासाठी विविध औषधी वनस्पतींचा वापर केला जातो. बकायनच्या सालीचा वापर त्वचारोग, ताप आणि संधिवात यांसारख्या आजारांवर केला जातो. औषधी गुणधर्मांव्यतिरिक्त ही साल घराची सुरक्षा करण्यासाठी नैसर्गिक संरक्षकाचे काम करते. मच्छर, मुंग्या, माशा आणि रेंगणारे कीटक यांना दूर राखण्यासाठी हिचा उपयोग होतो. बकायनची साल कीटकांना दूर ठेवण्याचा सुरक्षित आणि नैसर्गिक उपाय आहे. या सालीचा स्वाद कडू आणि वास अतिशय तीव्र असतो, त्यामुळे कीटक जवळ येत नाहीत. घरात लहान मुले असल्यास कीटकांपासून घर सुरक्षित ठेवणे महत्त्वाचे असते. अशा वेळी बकायनची साल अत्यंत उपयुक्त ठरते.

जर घरातील कोपऱ्यांमध्ये, स्टोअररूममध्ये, कपाटात किंवा पलंगामागे कीटक किंवा मच्छरांचा धोका जास्त असेल, तर बकायनची साल उन्हात वाळवून लहान पोटल्या बनवा आणि घरातील वेगवेगळ्या कोपऱ्यांमध्ये ठेवा. तिच्या वासामुळे कीटक कमी होतील आणि कोळ्यांचे जाळेही कमी होतील. जर घरात मच्छरांची संख्या वाढली असेल, तर बकायनची वाळलेली साल उपल्यावर कपूरासोबत जाळून संपूर्ण घरात धुरी द्या. यामुळे मच्छर कमी होतील. रात्रीच्या वेळीही घराच्या कोपऱ्यांमध्ये ही धुरी देऊ शकता. जर घरात कोळ्यांची जाळी वाढली असेल, तर बकायनची सुकलेली साल पाण्यात उकळून काढा तयार करा. ते पाणी गाळून स्प्रे बॉटलमध्ये भरून घराच्या कोपऱ्यांत फवारणी करा. आठवड्यातून एकदा असे केल्यास कीटकांची समस्या कमी व्हायला मदत होईल.

हेही वाचा..

दिल्लीत भाजप-‘आप’मध्ये फाईट

‘मध’ उत्पादनात नवा विक्रम; ११ वर्षांत उत्पादन दीड लाख मेट्रिक टनांवर

दित्वाह चक्रीवादळामुळे मृतांचा आकडा १५३ वर

हर्ष फायरिंगमध्ये लग्नात वराचा मृत्यू

कपाट किंवा बेडमध्ये ठेवलेल्या गरम कपड्यांना किंवा ब्लॅंकेटला कधी कधी दुर्गंधी येऊ लागते. यासाठी बकायनची सालची पोटली कपड्यांमध्ये ठेवावी. त्यामुळे कपड्यांना दुर्गंधी येणार नाही आणि कपडे खाणारे कीटकही लागणार नाहीत. एक गोष्ट लक्षात ठेवणे गरजेचे आहे की, घरात कोणाला श्वासाचा त्रास असेल तर बकायनची धुरी देताना खिडक्या नक्की उघडाव्यात. याच्या तीव्र वासामुळे खोकल्याचा त्रास वाढू शकतो. तसेच घरातील पाळीव प्राण्यांना या वासापासून दूर ठेवा.